സൗദിയിൽ പുതുതായി 82 പേർക്ക്​ കൂടി കോവിഡ്​ സ്ഥിരീകരിച്ചു

റിയാദ്​: സൗദി അറേബ്യയിൽ പുതുതായി 82പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ രാജ്യത്തെ മൊത്തം രോഗബാധിതരു ടെ എണ്ണം 2605 ആയി. ആരോഗ്യ മന്ത്രാലയത്തി​​െൻറ കോവിഡ്​ അപ്​ഡേറ്റ്​സിന്​ വേണ്ടിയുള്ള വെബ്​സൈറ്റാണ്​ ഇൗ വിവരം തിങ്കളാഴ്​ച രാത്രി 9.54ഒാടെ ഇക്കാര്യം അറിയിച്ചത്​.

രോഗബാധിതരിൽ 2016 പേർ ചികിത്സയിലാണ്​. 38 പേർ മരിച്ചു. 551 പേർ രോഗമുക്തരായി. ചികിത്സയിൽ കഴിയുന്നവരിൽ 41 പേർ തീവ്രപരിചരണ വിഭാഗത്തിലാണ്​. ഇതോടെ കഴിഞ്ഞ 24 മണിക്കൂറിനിടെ രാജ്യത്ത്​ കോവിഡ്​ സ്ഥിരീകരിച്ചവരുടെ എണ്ണം 203 ആയി.

ഇതിനിടെ റിയാദ്​, ദമ്മാം, ജിദ്ദ ഉൾപ്പെടെ രാജ്യത്തി​​െൻറ ഒട്ടുമിക്ക മേഖലകളിലും 24 മണിക്കൂർ കർഫ്യൂ ആഭ്യന്തര മന്ത്രാലയം പ്രഖ്യാപിച്ചു. തിങ്കളാഴ്​ച രാത്രി മുതൽ നിരോധനാജ്ഞ പ്രാബല്യത്തിലായി.