സൗദിയിൽ രോഗമുക്തരുടെ എണ്ണം അരലക്ഷം കവിഞ്ഞു

റിയാദ്​: സൗദി അറേബ്യയിൽ കോവിഡ് രോഗമുക്തരുടെ എണ്ണം അരലക്ഷം കവിഞ്ഞു. ബുധനാഴ്​ച 2572 പേർക്കാണ്​ രോഗമുക്തിയുണ്ടായത്​. ഇതോടെ ആകെ  രോഗമുക്തരുടെ എണ്ണം 51,022 ആയി. ​പുതുതായി രോഗം സ്ഥിരീകരിക്കുന്നവരുടെ എണ്ണത്തിൽ കുറവുണ്ട്​. 1815 പേർക്കാണ്​ ബുധനാഴ്​ച കോവിഡ്​ സ്​ഥിരീകരിച്ചത്​​. ആകെ കോവിഡ്​ ബാധിതരുടെ എണ്ണം ഇതോടെ 78541 ആയി. 

എന്നാൽ, ചികിത്സയിലുള്ളത്​ 27094 പേർ മാത്രമാണ്​. കഴിഞ്ഞ​ 24 മണിക്കൂറിനിടെ രാജ്യത്ത്​ 14 പേർ കോവിഡ്​ ബാധിച്ച്​ മരിച്ചു. മക്ക (4), മദീന (1), ജിദ്ദ (7), റിയാദ്​ (2) എന്നിവിടങ്ങളിലാണ്​ മരണം. ഇതോടെ മൊത്തം മരണസംഖ്യ 425 ആയി. 

രാജ്യത്താകെ ഇതുവരെ 7,54,268 കോവിഡ്​ പരിശോധനകൾ നടന്നു. രോഗികളെ കണ്ടെത്താൻ ആരോഗ്യ വകുപ്പ്​  രാജ്യവ്യാപകമായി നടത്തുന്ന ഫീൽഡ്​ സർവേ 38ാം ദിവസത്തിലെത്തി. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​​െൻറ പരിശോധനക്ക്​​ പുറമെ  മൂന്നാം ഘട്ടമായി മൊബൈൽ ലാബുകളിലും പ്രാഥമികാരോഗ്യകേന്ദ്രങ്ങളിലും കൂടി പരിശോധന ആരംഭിച്ചിട്ടുണ്ട്​. 

മക്കയിലും ജിദ്ദയിലും മരണനിരക്ക്​ ഉയരുക  തന്നെയാണ്​. ജിദ്ദയിൽ ബുധനാഴ്​ച ഏഴുപേരാണ്​ മരിച്ചത്​. മക്കയിൽ നാലും. ഇതോടെ മക്കയിൽ 194ഉം ജിദ്ദയിൽ 122ഉം ആയി മരണസംഖ്യ. രാജ്യത്തെ കോവിഡ്​ സ്ഥിതി  വിവരം അറിയിക്കുന്ന പതിവ്​ പ്രതിദിന വാർത്താസമ്മേളനം ബുധനാഴ്​ചയുണ്ടായില്ല. ദിനേനെയുള്ളത്​ അവസാനിപ്പിക്കുകയാണെന്നും പ്രത്യേകിച്ച്​ എന്തെങ്കിലും വിവരം  അറിയിക്കാനുള്ളപ്പോൾ മാത്രം വാർത്തസമ്മേളനം വിളിക്കുമെന്നും ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അൽഅലി ചൊവ്വാഴ്​ച വാർത്താസമ്മേളനത്തിൽ  അറിയിച്ചിരുന്നു. പകരം മന്ത്രാലയം സമൂഹ മാധ്യങ്ങളിലൂടെയാണ്​ സ്ഥിതിവിവരങ്ങൾ അറിയിക്കുന്നത്​.

പുതിയ രോഗികൾ:

റിയാദ്​ 739, ജിദ്ദ 325, മക്ക 162, ഹുഫൂഫ്​ 118, ദമ്മാം 74, ഖോബാർ 54, ഹാഇൽ 37, മദീന 35, ജുബൈൽ 29, ഖത്വീഫ്​ 29, ദഹ്​റാൻ 26, ഖുലൈസ്​ 21, തബൂക്ക്​ 18, ത്വാഇഫ്​  14, അൽഖർജ്​ 13, അൽബാഹ 10, ബുറൈദ 9, നാരിയ 7, അൽഅർദ 7, ഹഫർ അൽബാത്വിൻ 6, ഖമീസ്​ മുശൈത്​ 5, നജ്​റാൻ 5, മുസാഹ്​മിയ 5, വാദി ദവാസിർ 5, യാംബു 4, അൽസഹൻ 4, റാസതനൂറ 4, റുവൈദ അൽഅർദ 4, ബുഖൈരിയ 3, അബഹ 3, അൽജഫർ 2, മനാഫ അൽഹുദൈദ 2, ബേഷ്​ 2, ജീസാൻ 2, ശറൂറ 2, അൽഖുവയ്യ 2, ദുർമ  2, അൽഖറഇ 2, മൈസാൻ 1, റാനിയ 1, മഹായിൽ 1, അഹദ്​ റുഫൈദ 1, സബ്​ത്​ അൽഅലായ 1, അൽബത്​ഹ 1, അബ്​ഖൈഖ്​ 1, മുലൈജ 1, സൽവ 1, സഫ്​വ 1,  അൽദർബ്​ 1, അബൂഅരിഷ്​ 1, ദമാദ്​ 1, റാബിഗ്​ 1, അറാർ 1, ദവാദ്​മി 1, സുലൈയിൽ 1, ഹുത്ത ബനീ തമീം 1, ഹുറൈംല 1, നാഫി 1, സാജർ 1, ശഖ്​റ 1, വുതെയ്​ലൻ 1,  തൈമ 1, ദുബ 1.

മരണസംഖ്യ:

മക്ക 194, ജിദ്ദ 122, മദീന 45, റിയാദ്​ 24, ദമ്മാം 11, ഹുഫൂഫ്​ 4, അൽഖോബാർ 3, ജുബൈൽ 3, ബുറൈദ 3, ത്വാഇഫ്​ 3, ബീഷ 2, ജീസാൻ 1, ഖത്വീഫ് 1​, ഖമീസ്​ മുശൈത്ത് 1​, അൽബദാഇ 1, തബൂക്ക്​ 1, വാദി ദവാസിർ 1, യാംബു 1, റഫ്​ഹ 1, അൽഖർജ്​ 1, നാരിയ 1.