സൗദിയിൽ ഒറ്റദിവസം അയ്യായിരത്തിനടുത്ത്​ രോഗികൾ

റിയാദ്​: സൗദി അറേബ്യയിൽ ഒറ്റദിവസം അയ്യായിരത്തിനടുത്ത്​ പുതിയ കേസുകൾ റിപ്പോർട്ട്​ ചെയ്​തു. ബുധനാഴ്​ച 4919 പേരിലാണ്​ കോവിഡ്​ സ്ഥിരീകരിച്ചത്​. ഇത്രയും  ഉയരത്തിലെത്തുന്നത്​ ഇതാദ്യമായാണ്​. ആകെ രോഗബാധിതരുടെ എണ്ണം 1,41,234 ആയി. 24 മണിക്കൂറിനിടെ 39 പേർക്ക്​ ജീവൻ നഷ്​ടമായി. ഇതോടെ രാജ്യത്ത്​ കോവിഡ്​ അപഹരിച്ച ആകെ ജീവനുകളുടെ എണ്ണം​ 1091 ആയി. 

ജിദ്ദയിൽ തുടർച്ചയായി രണ്ടക്കത്തിലാണ്​ മരണങ്ങൾ. 18 പേരുടെ മരണമാണ്​ ഇവിടെ പുതുതായി റിപ്പോർട്ട്​ ചെയ്​തത്​. റിയാദ്​ (7), മക്ക (5), ദമ്മാം (3), മദീന (1), നജ്​റാൻ (1), അറാർ (1), നാരിയ (1), ഹുറൈംല (1), അൽഖുവയ്യ (1)  എന്നിവിടങ്ങളിലാണ് ബാക്കി​ മരണങ്ങൾ സംഭവിച്ചത്​.   

രാജ്യത്താകെ പുതുതായി 2122 പേർ​ സുഖം ​പ്രാപിച്ചു. ആകെ രോഗമുക്തരുടെ എണ്ണം 91,662ഉം രാജ്യത്തെ വിവിധ ആശുപത്രികളിലായി ചികിത്സയിൽ തുടരുന്നവരുടെ എണ്ണം 48481ഉം ആയി. അതിൽ 1859 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണ്​. 

മരണനിരക്കിൽ ജിദ്ദ മുന്നിൽ തന്നെ തുടരുകയാണ്​. 394 പേർ ജിദ്ദയിലും 339 പേർ മക്കയിലും ഇതുവരെ മരിച്ചു. റിയാദിൽ മരണസംഖ്യ 119 ആയി. രാജ്യത്തെ ചെറുതും വലുതുമായ 187 പട്ടണങ്ങളിലേക്ക്​ രോഗം പടർന്നു. പുതുതായി 23,484 സ്രവസാമ്പിളുകളാണ്​ പരിശോധിച്ചത്​. രാജ്യത്ത്​ ഇതുവരെ നടന്ന കോവിഡ്​ പരിശോധനകളുടെ എണ്ണം 1,167,766 ആയി.

പുതിയ രോഗികൾ:
റിയാദ്​ 2371, മക്ക 282, ജിദ്ദ 279, ഹ​ുഫൂഫ്​ 273, മദീന 156, ത്വാഇഫ്​ 140, ദമ്മാം 137, ദഹ്​റാൻ 123, ഖോബാർ 114, ഖമീസ്​ മുശൈത്​ 100, ബുറൈദ 67, അബഹ 58,  അൽമുബറസ്​ 56, ഹഫ-ർ അൽബാത്വിൻ 54, അൽഖർജ്​ 46, ജുബൈൽ 39, നജ്​റാൻ 39, ദറഇയ 39, വാദി അൽദവാസിർ 33, ഖത്വീഫ്​ 32, സഫ്​വ 26, അൽഅയൂൻ 23,  അൽബാഹ 17, റാസതനൂറ 17, ഹുറൈംല 17, അൽറസ്​ 16, അൽഖുവയ്യ 16, ഖുലൈസ്​ 15, അൽജഫർ 14, ഖുൻഫുദ 13, ബീഷ 13, യാംബു 12, റാനിയ 11, അഹദ്​ റുഫൈദ  11, ലൈല 11, ദുർമ 11, അൽദിലം 10, ഹാഇൽ 9, മഖ്​വ 8, അൽദായർ 8, അൽമജാരിദ 7, സബ്​ത്​ അൽഅലായ 7, ഹുത്ത ബനീ തമീം 7, ശറൂറ 7, ഉനൈസ 6, അൽഖഫ്​ജി 6,  ജീസാൻ 6, അയൂൻ അൽജുവ 6, അൽറയീൻ 6, സുലൈയിൽ 6, അഫീഫ്​ 5, റൂമ 5, താദിഖ്​ 5, അൽനമാസ്​ 5, അൽമൻദഖ്​ 4, അൽഹർജ 4, ബലാസ്​മർ 4, തനൂമ 4, ബേയ്​ഷ്​  4, ബിജാദിയ 4, റഫാഇ അൽജംഷ്​ 4, വുതെലൻ 4, തത്​ലീത്​ 4, അഖീഖ്​ 4, മിദ്​നബ്​ 3, ദഹ്​റാൻ അൽജനൂബ്​ 3, വാദി ബിൻ ഹഷ്​ബൽ 3, വാദി അൽഫറഅ 3, ഖുറയാത്​  അൽഉൗല 3, അല്ലൈത്​ 3, അറാർ 3, സാജർ 3, ഹനാഖിയ 3, ഖൈബർ 2, അൽസിയ 2, അൽബദാഇ 2, ബുഖൈരിയ 2, ഖുസൈബ 2, തുറൈബാൻ 2, അൽഖറഇ 2, അൽമദ്ദ  2, മഹായിൽ അസീർ 2, അൽബഷായർ 2, അൽബത്​ഹ 2, അബൂഅരീഷ്​ 2, സാംത 2, മുസാഹ്​മിയ 2, ബൽജുറഷി 2, ഖിൽവ 1, സകാക 1, മഹദ്​ അൽദഹബ്​ 1, അൽഖുവാര  1, ദരിയ 1, അമുവയ്യ 1, അൽസഹൻ 1, ദലം 1, തുർബ 1, അൽഫർഷ 1, റിജാൽ അൽമ 1, തമീർ 1, നാരിയ 1, അൽഅയ്​ദാബി 1, സബ്​യ 1, അഹദ്​ അൽമസ്​റഅ 1, റാബിഗ്​ 1,  ഹബോണ 1, മജ്​മഅ 1, മറാത്​ 1, റുവൈദ അൽഅർദ 1, അൽഗാര 1.

മരണസംഖ്യ:
ജിദ്ദ 397, മക്ക 339, റിയാദ്​ 119, മദീന 76, ദമ്മാം 43, ഹുഫൂഫ്​ 24, ത്വാഇഫ്​ 13, തബൂക്ക്​ 13, ഖത്വീഫ് 9​, ബുറൈദ 7, ബീഷ 7, അൽഖോബാർ 5, ജീസാൻ 6, അറാർ 4,  ജുബൈൽ 3, സബ്​യ 3, ഹഫർ അൽബാത്വിൻ 3, യാംബു 2, അൽമുബറസ്​ 2, നാരിയ 2, ഖമീസ്​ മുശൈത്ത് 1​, അൽബദാഇ 1, വാദി ദവാസിർ 1, റഫ്​ഹ 1, അൽഖർജ്​ 1,  ഹാഇൽ 1, ഖുൻഫുദ 1, ബേയ്​ഷ്​ 1, അൽബാഹ 1, ഹ​ുറൈംല 1, അൽഖുവയ്യ 1.