റിയാദിൽ 50 ലക്ഷം മയക്കുമരുന്ന്​ ഗുളികകൾ പിടികൂടി

റിയാദ്​: മയക്കുമരുന്ന്​ ഗുളികകൾ ഇലക്​ട്രിക്​ കേബിളിനുള്ളിൽ ഒളിപ്പിച്ച്​ കടത്താനുള്ള ശ്രമം സൗദി നർകോട്ടിക്​സ്​ ക​ൺട്രോൾ ജനറൽ ഡയറക്​ടറേറ്റ് തടഞ്ഞു. റിയാദിലെത്തിയ കൺസൈൻമെൻറിലെ വലിയ ചുറ്റുകളായി എത്തിയ ഇലക്​ട്രിക്​ കേബിളുകളുടെ ഉള്ളിൽ നിന്നാണ്​ 50 ലക്ഷം ആംഫറ്റമിൻ ഗുളികകൾ കണ്ടെടുത്തത്​. ​

കേബിളി​െൻറ ഉള്ളിൽനിന്ന്​ ഇലക്​ട്രിക്​ അയൺ വയറുകൾ നീക്കിയ ശേഷം പകരം ഗുളികകൾ നിറച്ച നിലയിലായിരുന്നു. കൺസൈൻമെൻറ്​ സൂക്ഷിച്ചിരുന്ന ഗോഡൗൺ ഏരിയയിലെത്തിയാണ്​ നർകോട്ടിക്​സ്​ വിഭാഗം ഇത്​ കണ്ടെടുത്തത്​. ഉത്തരവാദിയായ ഒരാളെ അറസ്​റ്റ്​ ചെയ്​തു.