Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightപ്രളയബാധിതർക്ക്​...

പ്രളയബാധിതർക്ക്​ സഹായവുമായി സൗദിയുടെ നാലാം വിമാനവും ലിബിയയിൽ

text_fields
bookmark_border
പ്രളയബാധിതർക്ക്​ സഹായവുമായി സൗദിയുടെ നാലാം വിമാനവും ലിബിയയിൽ
cancel
camera_alt

ലിബിയയിലെ ദുരിതബാധിതർക്കുള്ള സൗദിയുടെ നാലാമത്​ ദുരിതാശ്വാസ വിമാനമെത്തിയപ്പോൾ

യാംബു: പ്രളയ ദുരിതമനുഭവിക്കുന്ന ലിബിയയിലേക്ക് വൻ തോതിൽ ദുരിതാശ്വാസ സഹായമെത്തിച്ച് സൗദി അറേബ്യ. മരുന്നും ഭക്ഷണവും പാർപ്പിട സാമഗ്രികളും മറ്റും ഉൾപ്പെടുത്തി 90 ടൺ ദുരിതാശ്വാസ വസ്തുക്കളുമായി നാലാമത്​ ദുരിതാശ്വാസ വിമാനം ചൊവ്വാഴ്ച ബെൻഗാസി നഗരത്തിലെ ബെനിന അന്താരാഷ്​ട്ര വിമാനത്താവളത്തിലെത്തി.

സൽമാൻ രാജാവി​െൻറയും കിരീടാവകാശി അമീർ മുഹമ്മദ് ബിൻ സൽമാ​െൻറയും നിർദേശാനുസരമാണ്​ കെ.എസ്. റിലീഫ് ആൻഡ് ഹ്യൂമാനിറ്റേറിയൻ എയ്‌ഡി​െൻറ മേൽനോട്ടത്തിൽ ദുരിതാശ്വാസ സഹായം എത്തിക്കുന്നത്​. കെടുതികൾ നേരിടുന്നതിനുള്ള അടിയന്തിര ഇടപെടലി​െൻറ ഭാഗമായാണ് സൗദി ഭരണകൂടം വലിയ സഹായ പദ്ധതി നടപ്പാക്കുന്നത്.

മഴയും വെള്ളപ്പൊക്കവും മൂലം തീരാദുരിതത്തിലായി ലിബിയയിൽ ഇതിനകം പതിനായിരത്തിലേറെ പേർ മരിച്ചതായാണ്​ റിപ്പോർട്ട്​. നിരവധിയാളുകളെ കണാതായി. ആയിരക്കണക്കിനാളുകൾ ദുരിതത്തിലാണ്​. വലിയ സ്വത്തുനാശവുമുണ്ടായിട്ടുണ്ട്​.


Show Full Article
TAGS:Saudi relief planeLibya
News Summary - 4th Saudi plane to help flood victims in Libya
Next Story