പ്രവാസത്തിന്റെ 46 വർഷങ്ങൾ; സൈനുദ്ദീൻ ബത്ഹയോട് വിട പറയുന്നു

റി​യാ​ദ്‌: ബ​ത്ഹ​യി​ൽ വ​ന്നി​റ​ങ്ങി​യ ആ​ദ്യ​ത്തെ മ​ല​യാ​ളി ആ​രാ​യി​രു​ന്നു? പ്ര​വാ​സ​ച​രി​ത്രം ചി​ക​യു​മ്പോ​ൾ ഉ​ത്ത​രം ക​ണ്ടു​പി​ടി​ക്കു​ക ശ്ര​മ​ക​ര​മാ​ണ്. എ​ന്നാ​ൽ, ക​ണ്ണൂ​ർ ജി​ല്ല​യി​ലെ പെ​രി​ങ്ങാ​ടി സ്വ​ദേ​ശി സൈ​നു​ദ്ദീ​ൻ അ​ടി​യ​ല​ത്ത് ആ ​കൂ​ട്ട​ത്തി​ൽ ഒ​രാ​ളാ​യി​രു​ന്നു​വെ​ന്ന് ഉ​റ​പ്പി​ച്ചു പ​റ​യാം. 46 വ​ർ​ഷം മു​മ്പ് റി​യാ​ദി​ലെ​ത്തി​യ ആ​ദ്യ മ​ല​യാ​ളി​ക​ളി​ലൊ​രാ​ൾ. 1977ൽ ​ദ​മ്മാ​മി​ലെ ദ​ഹ്‌​റാ​ൻ എ​യ​ർ​പോ​ർ​ട്ടി​ൽ വി​മാ​ന​മി​റ​ങ്ങി, ടാ​ക്സി​യി​ൽ റി​യാ​ദി​ലെ​ത്തി പ​ഴ​യ സ​നാ​ഇ​യ്യ​യി​ൽ വാ​സ​മു​റ​പ്പി​ച്ചു. ആ​ദ്യം റോ​ക്ക് ഫാ​ക്ട​റി​യി​ലും പി​ന്നീ​ട് കൂ​ള​ർ ക​മ്പ​നി​യി​ലും ജോ​ലി ചെ​യ്​​തു.

കു​ടും​ബ​പ​ര​മാ​യി ല​ഭി​ച്ച ക​ച്ച​വ​ട പൈ​തൃ​കം പ്ര​വാ​സി മ​ല​യാ​ളി​ക​ളു​ടെ സ്വ​ന്തം ത​ട്ട​ക​മാ​യ ബ​ത്ഹ​യി​ലെ​ത്തി​ച്ചു. ഇ​വി​ടു​ത്തെ ഗ​ല്ലി​ക​ളി​ലും ചു​റ്റു​പാ​ടു​ക​ളി​ലേ​ക്കും പ​ട​ർ​ന്ന നാ​ല​ര പ​തി​റ്റാ​ണ്ട്​ നീ​ണ്ട പ്ര​വാ​സ​ത്തി​നൊ​ടു​വി​ൽ മാ​തൃ​രാ​ജ്യ​ത്തി​ലേ​ക്ക് മ​ട​ങ്ങാ​നു​ള്ള ഒ​രു​ക്ക​ത്തി​ലാ​ണ്.

ആ​ദ്യ​കാ​ല​ങ്ങ​ൾ ദു​ഷ്ക​ര​മാ​യി​രു​ന്നു. അ​പ​രി​ചി​ത​ത്വം നി​റ​ഞ്ഞ ചു​റ്റു​പാ​ടും കാ​ലാ​വ​സ്ഥ​യു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ളും വാ​ർ​ത്താ​വി​നി​മ​യ സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യും ഒ​ക്കെ​യാ​യി ഓ​രോ ദി​ന​ങ്ങ​ളും ത​ള്ളി​നീ​ക്കി​യ​ത്​ പ്ര​യാ​സ​ങ്ങ​ളി​ൽ ഉ​ഴ​റി​യാ​ണ്. ഒ​രു ക​ത്തോ ഡ്രാ​ഫ്റ്റോ നാ​ട്ടി​ലേ​ക്ക് അ​യ​ക്കാ​ൻ ഒ​രു ദി​വ​സ​ത്തെ പ​ങ്ക​പ്പാ​ട്. ഒ​റ്റ ബാ​ങ്കും പോ​സ്​​റ്റോ​ഫി​സും മാ​ത്രം. പ​ണ​മ​യ​ക്കാ​നും പ്ര​യാ​സ​മാ​യി​രു​ന്നു.

ബ​ത്ഹ​യി​ലെ അ​ൽ രാ​ജ്ഹി ബാ​ങ്കി​ലെ ഉ​ദ്യോ​ഗ​സ്ഥ​നാ​യി​രു​ന്ന ആ​ലു​വ​ക്കാ​ര​ൻ ജ​ലീ​ൽ എ​ല്ലാ​വ​ർ​ക്കും സ​ഹാ​യി​യും വ​ഴി​കാ​ട്ടി​യു​മാ​യി​രു​ന്നു. വ്യാ​ഴം, വെ​ള്ളി ദി​വ​സ​ങ്ങ​ളി​ൽ മെ​സ്സി​ലേ​ക്ക് സാ​ധ​ന​ങ്ങ​ൾ വാ​ങ്ങാ​നാ​യി ബ​ത്ഹ​യി​ലെ​ത്തും. അ​ന്ന് ബ​സ് സൗ​ക​ര്യ​മൊ​ന്നും ഉ​ണ്ടാ​യി​രു​ന്നി​ല്ല. ‘പി​ക്ക​പ്പ്​’​വാ​നി​​ന്റെ പി​റ​കി​ലാ​യി​രു​ന്നു യാ​ത്ര. ബ​ത്ഹ​യി​ൽ ഒ​രു റ​സ്​​റ്റാ​റ​ൻ​റ്​ മാ​ത്ര​മാ​ണു​ണ്ടാ​യി​രു​ന്ന​ത്.

സ​നാ​ഇ​യ്യ​യി​ൽ ജോ​ലി​ചെ​യ്തു​കൊ​ണ്ടി​രി​ക്കെ​യാ​ണ് റെ​യി​ൽ​വേ ജീ​വ​ന​ക്കാ​രു​മാ​യി പ​രി​ച​യ​പ്പെ​ടു​ന്ന​ത്. ക​ണ്ണൂ​ർ സ്വ​ദേ​ശി മൊ​യ്തു​വി​നോ​ടൊ​പ്പം ഒ​രു സ്‌​കൂ​ട്ട​റി​ൽ അ​വ​രെ സ​ന്ദ​ർ​ശി​ക്കു​ക പ​തി​വാ​യി​രു​ന്നു. സൗ​ഹൃ​ദ​ത്തി​​ന്റെ പേ​രി​ൽ തു​ട​ങ്ങി​യ ആ ​കൂ​ടി​ക്കാ​ഴ്ച ബി​സി​ന​സ് രം​ഗ​ത്ത് ചു​വ​ടു​വെ​ക്കാ​ൻ നി​മി​ത്ത​മാ​യി. അ​വ​ർ ദ​മ്മാ​മി​ൽ​നി​ന്നും കൊ​ണ്ടു​വ​ന്ന ദോ​ത്തി​ക​ൾ വാ​ങ്ങി ആ​വ​ശ്യ​ക്കാ​ർ​ക്ക് വി​ൽ​പ​ന ന​ട​ത്തി​യാ​ണ് തു​ട​ക്കം. പി​ന്നീ​ട് കൂ​ടു​ത​ൽ വ​സ്തു​ക്ക​ൾ അ​വ​രി​ൽ​നി​ന്ന് ശേ​ഖ​രി​ച്ച് വാ​ഹ​നം വാ​ങ്ങി കു​റെ ഉ​പ​ഭോ​ക്താ​ക്ക​ളി​ലേ​ക്ക് വ്യാ​പി​ച്ചു. ഉ​ല​യ, ദ​ല്ല ഭാ​ഗ​ങ്ങ​ളി​ൽ വ​ലി​യ ക്യാ​മ്പു​ക​ളി​ൽ പോ​യി വി​ൽ​പ​ന ന​ട​ത്തി.

അ​ൽ ഖ​ർ​ജ് റോ​ഡി​ലെ ഒ​രു ചെ​റി​യ ‘ബ​ഖാ​ല’​യു​മാ​യി കു​റ​ച്ചു കാ​ലം ക​ഴി​ഞ്ഞു. തു​ട​ർ​ന്ന് അ​ഞ്ചെ​ട്ട് സു​ഹൃ​ത്തു​ക്ക​ൾ ചേ​ർ​ന്ന് മോ​ഡേ​ൺ ഫാ​ബ്രി​ക്‌​സ് എ​ന്ന പേ​രി​ൽ ബ​ത്ഹ​യി​ൽ ഒ​രു തു​ണി​ക്ക​ട തു​ട​ങ്ങി, പു​തി​യ മേ​ഖ​ല​യി​ലേ​ക്ക് ചു​വ​ടു​വെ​ച്ചു. ത​നി​മ ക​ലാ​സാം​സ്​​കാ​രി​ക വേ​ദി പ്ര​വ​ർ​ത്ത​ക​രാ​യ ക​ണ്ണൂ​ർ സ്വ​ദേ​ശി എ​ൻ​ജി. മു​ത്ത​ലി​ബ്, മ​ല​പ്പു​റം സ്വ​ദേ​ശി ഈ​സ എ​ന്നി​വ​രോ​ടൊ​പ്പം ബ​ത്ഹ​യി​ൽ ‘സ്​​റ്റാ​ർ ടെ​ക്സ്’​എ​ന്ന പേ​രി​ൽ ഒ​രു സ്ഥാ​പ​നം ആ​രം​ഭി​ച്ചു.

യ​മ​നി​ക​ളാ​യി​രു​ന്നു അ​ദ്യ​കാ​ല​ങ്ങ​ളി​ൽ ബ​ത്ഹ​യി​ല​ധി​ക​വും. പി​ന്നീ​ട് മ​റ്റ് രാ​ജ്യ​ക്കാ​ർ എ​ത്തി​ത്തു​ട​ങ്ങി. ’80ക​ൾ​ക്കു​ശേ​ഷം മ​ല​യാ​ളി​ക​ളു​ടെ വ​ര​വ് വ​ർ​ധി​ച്ചു. ’92ൽ ​ന​ട​ന്ന ഗ​ൾ​ഫ് യു​ദ്ധ​ത്തി​ന് ശേ​ഷം അ​ത് സ​മ്പൂ​ർ​ണ​മാ​യി. യു​വാ​ക്ക​ളും അ​ഭ്യ​സ്ത​വി​ദ്യ​രു​മാ​യ ധാ​രാ​ളം ആ​ളു​ക​ളും വ​ന്നു. സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ളി​ലും ബി​സി​ന​സ് രം​ഗ​ത്തും വ​ലി​യ സാ​ന്നി​ധ്യ​മാ​യി. യു​ദ്ധ​ത്തി​ൽ സൗ​ദി ഉ​പേ​ക്ഷി​ച്ചു​പോ​കേ​ണ്ടി വ​ന്ന യ​മ​നി​ക​ളു​ടെ സ്ഥാ​പ​ന​ങ്ങ​ൾ മ​ല​യാ​ളി​ക​ൾ വാ​ങ്ങി​ക്കൂ​ട്ടി (ഇ​പ്പോ​ൾ അ​ത് ബം​ഗാ​ളി​ക​ളി​ലേ​ക്ക് കൈ​മാ​റ്റം ചെ​യ്യ​പ്പെ​ട്ടു).

റി​യാ​ദ് വ​ൻ​കു​തി​പ്പു​ക​ൾ​ക്ക് സാ​ക്ഷ്യം​വ​ഹി​ച്ച​പ്പോ​ഴും ബ​ത്ഹ പ​ഴ​മ​യി​ൽ ല​യി​ച്ചു നി​ൽ​ക്കു​ക​യാ​യി​രു​ന്നു. ബ​ത്ഹ​യി​ൽ ആ​ദ്യം ഒ​രു വ​ലി​യ ‘റൗ​ണ്ട് എ​ബൗ​ട്ട്’​ഉ​ണ്ടാ​യി​രു​ന്നു. പി​ന്നീ​ട്‌ ഇ​രു​മ്പു​പാ​ലം വ​രു​ക​യും മു​ഖ​ച്ഛാ​യ മാ​റു​ക​യും ചെ​യ്തു.ബ​ത്ഹ ക​മേ​ഴ്‌​സ്യ​ൽ സെ​ന്റ​ർ, മ​ർ​ക​സ് ജ​മാ​ൽ, ബി​ൻ സു​ലൈ​മാ​ൻ സെ​ന്റ​ർ എ​ല്ലാം ’80ക​ളു​ടെ അ​വ​സാ​ന​ത്തി​ലാ​ണ് ആ​രം​ഭി​ച്ച​ത് -ബ​ത്​​ഹ​യു​ടെ പ​ഴ​യ​കാ​ല​ത്തെ കു​റി​ച്ച്​ സൈ​നു​ദ്ദീ​ൻ ഓ​ർ​ക്കു​ന്നു.

ഗാ​യ​ക​നും സാം​സ്​​കാ​രി​ക പ്ര​വ​ർ​ത്ത​ക​നും​കൂ​ടി​യാ​ണ് സൈ​നു​ദ്ദീ​ൻ. ത​നി​മ, മാ​ഹി വെ​ൽ​ഫെ​യ​ർ അ​സോ​സി​യേ​ഷ​ൻ, ക്രി​യ എ​ന്നീ സം​ഘ​ട​ന​ക​ളു​ടെ സ്ഥാ​പ​കാം​ഗ​വു​മാ​ണ്. ’90ക​ളു​ടെ തു​ട​ക്ക​ത്തി​ൽ ഭാ​ര്യ റം​ല​യും മ​ക്ക​ളും റി​യാ​ദി​ലെ​ത്തി. കു​ട്ടി​ക​ൾ ഇ​ന്റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ളി​ലാ​ണ്​ പ​ഠി​ച്ച​ത്.മ​ക്ക​ൾ ന​ബീ​ല, നാ​സ്നീ​ൻ, നൂ​രി​യ, ന​ദ, മു​ഹ​മ്മ​ദ് എ​ന്നി​വ​ർ ഇ​വി​ടു​ത്തെ വി​ദ്യാ​ഭ്യാ​സം പൂ​ർ​ത്തി​യാ​ക്കി നാ​ട്ടി​ലേ​ക്ക് പോ​യി. മ​ക​നൊ​ഴി​കെ എ​ല്ലാ​വ​രും ഇ​പ്പോ​ൾ വി​വാ​ഹി​ത​രാ​ണ്. ര​ണ്ടാ​മ​ത്തെ മ​ക​ൾ നാ​സ്നീ​ൻ ദ​മ്മാ​മി​ൽ അ​ധ്യാ​പി​ക​യാ​ണ്.