സൗദിയിൽ 38 പേർക്ക്​ കോവിഡ്​, ഒരു മരണം

റിയാദ്: സൗദി അറേബ്യയിൽ 38 പേർക്ക്​ കൂടി കോവിഡ്​ സ്ഥിരീകരിച്ചു. ഒരാൾ മരിച്ചു. 59 പേർ രോഗമുക്തി നേടി. ഇതുവരെ രാജ്യത്ത് റിപ്പോർട്ട് ചെയ്ത ആകെ കോവിഡ് കേസുകളുടെ എണ്ണം 5,49,060 ഉം രോഗമുക്തരുടെ എണ്ണം 5,37,049 ഉം ആയി. ആകെ മരണസംഖ്യ 8,807 ആയി ഉയർന്നു. ​

ചികിത്സയിൽ കഴിയുന്നവരിൽ 49 പേരുടെ നില ഗുരുതരമാണ്​. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ നില തൃപ്​തികരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 11, റിയാദ് 10, മക്ക 4, ദമ്മാം 3, മറ്റ്​ 10 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 46,520,615 ഡോസ് കോവിഡ്​ വാക്​സിൻ വിതരണം ചെയ്​തു.