റി​യാ​ദ്​ മെ​ട്രോ​യി​ൽ ആ​ദ്യ മൂ​ന്ന്​ മാ​സം സ​ഞ്ച​രി​ച്ച​ത്​ 2.5 കോ​ടി ആ​ളു​ക​ൾ

റി​യാ​ദ്​: സൗ​ദി ത​ല​സ്ഥാ​ന ന​ഗ​ര​ത്തി​​ലെ ഏ​റ്റ​വും വ​ലി​യ പൊ​തു​ഗ​താ​ഗ​ത സം​വി​ധാ​ന​മാ​യി റി​യാ​ദ്​ മെ​ട്രോ (റി​യാ​ദ്​ ട്രെ​യി​ൻ) പൂ​ർ​ണ​മാ​യും പ്ര​വ​ർ​ത്ത​ന പ​ഥ​ത്തി​ലെ​ത്തി​യ ശേ​ഷം ആ​ദ്യ മൂ​ന്നു മാ​സം സ​ഞ്ച​രി​ച്ച​ത്​ 2.5 കോ​ടി ആ​ളു​ക​ൾ. ഈ ​വ​ർ​ഷ​ത്തെ ആ​ദ്യ പാ​ദ​ത്തി​ലെ ക​ണ​ക്കാ​ണി​ത്. സൗ​ദി​യി​ലെ ന​ഗ​രാ​ധി​ഷ്ഠി​ത ട്രെ​യ്ൻ ശൃം​ഖ​ല​ക​ളു​ടെ പ​ട്ടി​ക​യി​ൽ ഒ​ന്നാ​മ​തെ​ത്തി​യ​താ​യി ഗ​താ​ഗ​ത അ​തോ​റി​റ്റി (ടി.​ജി.​എ) പു​റ​ത്തി​റ​ക്കി​യ റി​പ്പോ​ർ​ട്ട്​ വ്യ​ക്ത​മാ​ക്കി. ന​ഗ​ര​ങ്ങ​ൾ​ക്കു​ള്ളി​ൽ ഏ​റ്റ​വും കൂ​ടു​ത​ൽ യാ​ത്ര​ക്കാ​രു​ള്ള ട്രെ​യി​നു​ക​ളു​ടെ പ​ട്ടി​ക​യി​ൽ റി​യാ​ദ് മെ​ട്രോ ഒ​ന്നാ​മ​താ​ണ്.

അ​തോ​റി​റ്റി​യു​ടെ ഈ ​സ്ഥി​തി​വി​വ​ര​ക്ക​ണ​ക്കു​ക​ൾ പ്ര​കാ​രം ആ​ദ്യ പാ​ദ​ത്തി​ൽ രാ​ജ്യ​ത്ത്​ മൊ​ത്തം 3.23 കോ​ടി യാ​ത്ര​ക്കാ​ർ അ​ർ​ബ​ൻ റെ​യി​ൽ സം​വി​ധാ​ന​ങ്ങ​ൾ ഉ​പ​യോ​ഗി​ച്ചു. റി​യാ​ദ്​ ട്രെ​യി​നി​നു​ശേ​ഷം ജി​ദ്ദ​യി​ലെ കി​ങ്​ അ​ബ്​​ദു​ൽ അ​സീ​സ് അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​നു​ള്ളി​ലെ ഓ​ട്ടോ​മേ​റ്റ​ഡ് ട്രെ​യി​നാ​ണ്​ ര​ണ്ടാം സ്ഥാ​ന​ത്ത്. ഇ​തേ കാ​ല​യ​ള​വി​ൽ ഈ ​ട്രെ​യി​നു​ക​ളി​ൽ യാ​ത്ര ചെ​യ്​​ത​വ​രു​ടെ എ​ണ്ണം 60 ല​ക്ഷ​മാ​ണ്.

റി​യാ​ദി​ലെ അ​മീ​റ നൂ​റ ബി​ൻ​ത്​ അ​ബ്​​ദു​റ​ഹ്മാ​ൻ സ​ർ​വ​ക​ലാ​ശാ​ല​യി​ലെ ഓ​ട്ടോ​മേ​റ്റ​ഡ് റെ​യി​ൽ സം​വി​ധാ​നം ഉ​പ​യോ​ഗി​ച്ച​വ​രു​ടെ എ​ണ്ണം ഒ​മ്പ​ത്​ ല​ക്ഷം ക​വി​ഞ്ഞ​താ​യും റി​പ്പോ​ർ​ട്ടി​ലു​ണ്ട്. ഈ ​വ​ർ​ഷം ആ​ദ്യ​പാ​ദ​ത്തി​ൽ സൗ​ദി​യി​ലെ മൊ​ത്തം റെ​യി​ൽ ഗ​താ​ഗ​ത മേ​ഖ​ല ശ്ര​ദ്ധേ​യ​മാ​യ നേ​ട്ടം കൈ​വ​രി​ച്ച​താ​യും 3.5 കോ​ടി​യി​ല​ധി​കം യാ​ത്ര​ക്കാ​ർ ട്രെ​യി​നി​ൽ സ​ഞ്ച​രി​ച്ച​താ​യും സൗ​ദി ഗ​താ​ഗ​ത അ​തോ​റി​റ്റി പ​റ​ഞ്ഞു.

ന​ഗ​ര ഗ​താ​ഗ​തം വ​ർ​ധി​പ്പി​ക്കു​ന്ന​തി​നും സ്വ​കാ​ര്യ വാ​ഹ​ന​ങ്ങ​ളെ ആ​ശ്ര​യി​ക്കു​ന്ന​ത് കു​റ​ക്കു​ന്ന​തി​നു​മാ​യി രാ​ജ്യ​ത്ത്​ ന​ട​പ്പാ​ക്കി​യ ഏ​റ്റ​വും വ​ലി​യ പൊ​തു​ഗ​താ​ഗ​ത പ​ദ്ധ​തി​യാ​ണ്​ റി​യാ​ദ് മെ​ട്രോ. റി​യാ​ദ് സി​റ്റി റോ​യ​ൽ ക​മീ​ഷ​​ന്റെ കീ​ഴി​ലു​ള്ള ഈ ​പ​ദ്ധ​തി​യി​ൽ ഡ്രൈ​വ​റി​ല്ലാ​തെ​യാ​ണ്​ ട്രെ​യി​നു​ക​ൾ ഓ​ടു​ന്ന​ത്. ട്രെ​യി​നു​ക​ൾ ഓ​ട്ടോ​മേ​റ്റ​ഡ് നി​യ​ന്ത്ര​ണ സാ​ങ്കേ​തി​ക​വി​ദ്യ​യി​ലാ​ണ്​ പ്ര​വ​ർ​ത്തി​ക്കു​ന്ന​ത്.

ക​ഴി​ഞ്ഞ വ​ർ​ഷം ന​വം​ബ​ർ 27നാ​ണ്​​ സ​ൽ​മാ​ൻ രാ​ജാ​വ്​ റി​യാ​ദ്​ മെ​ട്രോ​യു​ടെ ഔ​ദ്യോ​ഗി​ക ഉ​ദ്​​ഘാ​ട​നം നി​ർ​വ​ഹി​ച്ച​ത്. എ​ന്നാ​ൽ ട്രെ​യി​ൻ ഗ​താ​ഗ​തം ആ​രം​ഭി​ച്ച​ത്​ ഡി​സം​ബ​ർ ഒ​ന്നു​ മു​ത​ലാ​ണ്. ബ്ലൂ, ​യെ​ല്ലോ, പ​ർ​പ്പി​ൾ എ​ന്നീ മൂ​ന്ന്​ ട്രാ​ക്കു​ക​ളി​ൽ​ അ​ന്ന്​ മു​ത​ലും ഡി​സം​ബ​ർ 15-ന്​ ​റെ​ഡ്, ഗ്രീ​ൻ ​ട്രാ​ക്കു​ക​ളി​ലും ഈ ​വ​ർ​ഷം ജ​നു​വ​രി അ​ഞ്ചി​ന്​ ഓ​റ​ഞ്ച്​ ലൈ​നി​ലും സ​ർ​വി​സ്​ ആ​രം​ഭി​ച്ചു. ഇ​തി​നു​ ശേ​ഷം മൂ​ന്നു​മാ​സം​കൊ​ണ്ടാ​ണ്​ ഏ​താ​ണ്ട്​ എ​ല്ലാ സ്റ്റേ​ഷ​നു​ക​ളും പ്ര​വ​ർ​ത്ത​നം ആ​രം​ഭി​ച്ച​ത്. ഓ​റ​ഞ്ച്​ ലൈ​നി​ൽ ഇ​നി​യും ചി​ല സ്റ്റേ​ഷ​നു​ക​ൾ തു​റ​ക്കാ​നു​ണ്ട്. ജ​നു​വ​രി അ​ഞ്ചി​ന്​ ഓ​റ​ഞ്ച്​ ലൈ​ൻ കൂ​ടി ആ​രം​ഭി​ച്ച്​ ആ​റ്​ ലൈ​നു​ക​ളും പൂ​ർ​ണ​മാ​യും പ്ര​വ​ർ​ത്ത​ന പ​ഥ​ത്തി​ലെ​ത്തി​യ​ശേ​ഷ​മു​ള്ള യാ​ത്ര​ക്കാ​രു​ടെ ക​ണ​ക്കാ​ണ്​ സൗ​ദി പൊ​തു​ഗ​താ​ഗ​ത അ​തോ​റി​റ്റി പു​റ​ത്തു​വി​ട്ട​ത്. മൂ​ന്ന്​ മാ​സ​ത്തി​നി​ടെ ര​ണ്ട​ര കോ​ടി ആ​ളു​ക​ൾ യാ​ത്ര ചെ​യ്​​തു​വെ​ന്ന​ത്​ മെ​ട്രോ സം​വി​ധാ​ന​ത്തെ സം​ബ​ന്ധി​ച്ചി​ട​ത്തോ​ളം വ​ൻ റെ​ക്കോ​ഡാ​ണ്.

മെ​ട്രോ റെ​യി​ൽ സം​വി​ധാ​ന​ത്തെ​യും​ ന​ഗ​ര​ത്തി​​ന്റെ മു​ക്കു​മൂ​ല​ക​ളെ​യും ബ​ന്ധി​പ്പി​ച്ച്​ ‘റി​യാ​ദ്​ ബ​സ​സ്​’ എ​ന്ന പേ​രി​ൽ ദി​നം​പ്ര​തി 900ത്തോ​ളം ബ​സു​ക​ളു​ടെ സ​ർ​വി​സ്​ ശൃം​ഖ​ല​യു​മു​ണ്ട്.