കോവിഡ്​ ലക്ഷണമുള്ളവർക്ക് വേണ്ടി​ മുഴുസമയ ക്ലിനിക്കുക​െളാരുക്കി സൗദി ആരോഗ്യമന്ത്രാലയം

ജിദ്ദ: ​കോവിഡ്​ ലക്ഷണമുള്ളവരെ പ്രവേശിപ്പിക്കുന്നതിനും വൈദ്യ പരിചരണത്തിനുമായി​ സൗദി ആരോഗ്യ മന്ത്രാലയം മുഴുവൻ സമയ ക്ലിനിക്കുകൾ സജ്ജമാക്കി. ‘തത്​മൻ’ എന്ന പേരിൽ രാജ്യത്തെ എല്ലാ മേഖലകളിലും തെര​ഞ്ഞെടുക്കപ്പെട്ട ആശുപത്രികളിലും മെഡിക്കൽ സ​െൻററുകളിലുമാണ് ക്ലിനിക്കുകൾ ഒരുക്കിയിരിക്കുന്നത്​. സൗഖ്യം ഉറപ്പാക്കുന്നു എന്നാണ്​ ‘തത്​മൻ’ എന്ന വാക്കി​​െൻറ അർഥം.

ഇൗ ക്ലിനിക്കുകളിൽ കോവിഡ്​ ലക്ഷണമുള്ളവരെ ദിവസം 24 മണിക്കൂറും സ്വീകരിക്കുമെന്ന്​ മന്ത്രാലയം വ്യക്തമാക്കി​​. തുടക്കത്തിൽ റിയാദ്​, ഖസീം, അൽഅഹ്​സ, ജിദ്ദ, മക്ക, മദീന എന്നിവിടങ്ങളിലാണ്​ ക്ലിനിക്കുകൾ സജ്ജമാക്കിയിരിക്കുന്നത്​.

പിന്നീട്​ മറ്റ്​ മേഖലകളിലും ആരംഭിക്കും. മൊത്തം 31 ക്ലിനിക്കുകളാണ്​ ഇപ്പോൾ ഒരുക്കിയിരിക്കുന്നത്​. റിയാദ്​, അൽഅഹ്​സ, ഖസീം എന്നിവിടങ്ങളിൽ ആറ്​ വീതവും ജിദ്ദ, മക്ക എന്നിവിടങ്ങളിൽ അഞ്ച്​ വീതവും മദീനയിൽ മൂന്നും ക്ലിനിക്കുകളുണ്ട്​.

https://www.moh.gov.sa/Documents/Tataman-Clinics.pdf എന്ന ലിങ്ക്​ വഴി ക്ലിനിക്കുകൾ എവിടെയാണെന്ന്​ അറിയാൻ സാധിക്കും. സ്വദേശികളും വിദേശികളും നിയമലംഘകരുൾപ്പെടെയുള്ളവരുമായ മുഴുവനാളുകളെയും ഇൗ ക്ലിനിക്കുകളിൽ സ്വീകരിക്കും. മുൻകൂട്ടി ബുക്ക്​ ചെയ്യേണ്ട ആവശ്യമില്ല​. ശരീരോഷ്​മാവ്​ കൂടുക തുടങ്ങിയ കോവിഡ്​ രോഗലക്ഷണങ്ങൾ പ്രകടമാകുന്നവർക്ക്​ നേരെ ഇൗ ക്ലിനിക്കുകളിലെത്താം.

അത്തരം ലക്ഷണങ്ങളുള്ളവർക്ക്​​ മാത്രമുള്ളതാണ്​ ‘തത്​മൻ’ ക്ലിനിക്കുകളെന്ന്​ സൗദി ആരോഗ്യ മന്ത്രി ഡോ. തൗഫീഖ്​ അൽറബീഅ പറഞ്ഞു. രണ്ട്​ ദിവസത്തിനകം കൂടുതൽ ക്ലിനിക്കുകൾ ആരംഭിക്കും. ജനങ്ങളുടെ ആരോഗ്യ സുരക്ഷയ്​ക്കായി രാജ്യം കാണിക്കുന്ന അതീവ താൽപര്യത്തി​​െൻറ ഭാഗമാണിതെന്നും മന്ത്രി പറഞ്ഞു.