മേഖലയുടെ സു​രക്ഷക്ക്​ ആധാരം  സൗദി-യു.എസ്​ ബന്ധം -കിരീടാവകാശി

വാഷിങ്​ടൺ: മധ്യപൂർ​വദേശത്തെ സുരക്ഷക്കും സമാധാനത്തിനും ആധാരം സൗദി^അമേരിക്ക ബന്ധമാണെന്ന്​ കിരീടാവകാശി അമീർ മുഹമ്മദ്​ ബിൻ സൽമാൻ. സൗദിയും അമേരിക്കയും ഒന്നിച്ച്​ പരിശീലിക്കുന്നു, ഒന്നിച്ച്​ പോരാടുന്നു. വെല്ലുവിളികളും ഭീഷണികളും ഒന്നിച്ച്​ നേരിടുന്നു. ഉഭയതൽപര്യങ്ങൾ സംരക്ഷിക്കുന്നു. ^ വാഷിങ്​ടണിൽ സൗദി എംബസി ആതിഥ്യമരുളിയ ആദ്യ സൗദി^യു.എസ്​ സൗഹൃദ വിരുന്നിൽ സംസാരിക്കുകയായിരുന്നു അമീർ മുഹമ്മദ്​. മുക്കാൽ നൂറ്റാണ്ട്​ നീണ്ട സൗഹൃദ ബന്ധത്തി​​െൻറ ഒാർമ പുതുക്കിയാണ്​ വിരുന്ന്​ സംഘടിപ്പിച്ചത്​.അമേരിക്കയിലെ അംബാസഡറായ എ​​െൻറ സഹോദരൻ പൈലറ്റ്​ ​പരിശീലനം നേടിയത്​ യു.എസ്​ വ്യോമ സേനയിൽ നിന്നാണ്​. അയാൾ ഇടക്ക്​ എന്നെ ഒാർമിപ്പിക്കാറുണ്ട്​; നയങ്ങൾ റിയാദിലും വാഷിങ്​ടണിലുമായിരിക്കും തീരുമാനിച്ചിട്ടുണ്ടാകുക,  പക്ഷേ, പരിശീലനങ്ങളിലും യുദ്ധമുഖങ്ങളിലുമാണ്​ വിശ്വാസം രൂപപ്പെടുക, അവിടെയാണ്​ സൗഹൃദങ്ങൾ നാമ്പിടുക, അവിടെയാണ്​ തകർക്കാനാകാത്ത ബന്ധങ്ങൾ സൃഷ്​ടിക്കപ്പെടുക. ^ അമീർ മുഹമ്മദ്​ പറഞ്ഞു. പ്രഭാഷണത്തിനിടെ വിഷൻ 2030 ​​െൻറ വിശദാംശങ്ങളും കിരീടാവകാശി അതിഥികൾക്ക്​ പരിചയപ്പെടുത്തി. സൗദി അംബാസഡർ അമീർ ഖാലിദ്​ ബിൻ സൽമാൻ അഭിവാദ്യ പ്രസംഗം നടത്തി. വിരുന്നിൽ ജെബ്​ ബുഷ്​, ഡിക്​ ചെനി, കോളിൻ പവൽ, ജെയിംസ്​​ ബേക്കർ, അമീർ ബൻദർ ബിൻ സുൽത്താൻ തുടങ്ങിയ പ്രമുഖരും പ​െങ്കടുത്തു.