സൗദിയിൽ വെള്ളത്തിന് ചെലവേറും

റിയാദ്: സൗദി മന്ത്രിസഭ ചൊവ്വാഴ്ച അംഗീകരിച്ച പുതിയ ജലനയം ഉടന്‍ പ്രാബല്യത്തില്‍ വരുമെന്ന് പരിസ്ഥിതി, ജല, കൃഷി വകുപ്പുമന്ത്രി എൻജി. അബ്​ദുറഹ്​മാന്‍ അല്‍ഫദ്​ലി. സൗദി വിഷന്‍ 2030 ​​​െൻറയും ദേശീയ പരിവര്‍ത്തന പദ്ധതി 2020​​​െൻറയും താല്‍പര്യങ്ങള്‍ക്കുനുസരിച്ചായിരിക്കും പുതിയ ജലനയം. സ്വകാര്യവത്കരണത്തിലൂടെ എണ്ണയിതര വരുമാനം വർധിപ്പിക്കുകയെന്ന ലക്ഷ്യവും ഇതിനുണ്ട്​. സമുദ്രജല ശുദ്ധീകരണം, ശുദ്ധ ജല വിതരണം, മലിനജല ഡ്രൈനേജ് സംവിധാനം തുടങ്ങിയ മേഖലകള്‍ സ്വകാര്യവത്കരിക്കുമെന്നും വകുപ്പുമന്ത്രി പറഞ്ഞു. സ്വകാര്യവത്കരണത്തിന്​ മുന്നോടിയായി ജല മന്ത്രാലയത്തിന് കീഴിലെ ആസ്തികളുടെ കണക്കെടുപ്പ് ഉടന്‍ പൂര്‍ത്തിയാക്കുമെന്ന് അണ്ടര്‍സെക്രട്ടറി ഡോ. ഫൈസല്‍ ബിന്‍ സുല്‍ത്താന്‍ അസ്സുബൈഇ പറഞ്ഞു. രാജ്യത്തിന് ആവശ്യമായ ശുദ്ധജലത്തി​​​െൻറ അളവ്, വിതരണച്ചെലവ് എന്നിവയില്‍ കണക്കെടുപ്പില്‍ ഉള്‍പ്പെടും. സാധാരണ സമയത്തും അടിയന്തിര ഘട്ടങ്ങളിലും വിതരണത്തിന് ആവശ്യമായ ജലത്തി​​​െൻറ കണക്കെടുപ്പും ഇതിലുണ്ട്​. സ്വകാര്യമേഖലക്ക് കൂടുതല്‍ പങ്കാളിത്തം നല്‍കുന്നതായിരിക്കും പുതിയ ജലനയമെന്നും അണ്ടര്‍സെക്രട്ടറി കൂട്ടിച്ചേര്‍ത്തു. 
ഉപഭോക്താക്കള്‍ക്ക് മിതമായി നിരക്കില്‍ കൂടുതല്‍ മെച്ചപ്പെട്ട സേവനം ഉറപ്പുവരുത്തുക എന്നതാണ് പുതിയ ജലനയത്തി​​​െൻറ താല്‍പര്യം. സല്‍മാന്‍ രാജാവിന്‍െറ അധ്യക്ഷതയില്‍ ചൊവ്വാഴ്ച ചേര്‍ന്ന മന്ത്രിസഭയാണ് പുതിയ ജലനയത്തിന് അംഗീകാരം നല്‍കിയത്.