വനിതകളുടെ സ്​റ്റേഡിയം പ്രവേശം; സൗദിക്ക്​ ഫിഫയുടെ അഭിനന്ദനം

ജിദ്ദ: ഫുട്​ബാൾ സ്​റ്റേഡിയങ്ങളിൽ വനിതകൾക്കും പ്രവേശനം അനുവദിച്ച നടപടിയിൽ സൗദി അറേബ്യയെ ഫിഫ അഭിനന്ദിച്ചു. കായിക രംഗത്ത്​ വനിതകളുടെ വലിയൊരുവിജയമാ​ണിതെന്ന്​ സംഘടന വിലയിരുത്തി. കൂടുതൽ നേട്ടങ്ങൾക്ക്​ വനിതകളെ ആശംസിച്ച ഫിഫ, ഇൗവർഷം റഷ്യയിൽ നടക്കുന്ന ലോകകപ്പ്​ ഫുട്​​ബാളിൽ സൗദി യോഗ്യതനേടിയ കാര്യം എടുത്തുപറഞ്ഞു. വെള്ളിയാഴ്​ച ജിദ്ദയിലെ ജൗഹറ സ്​റ്റേഡിയത്തിൽ നടന്ന അൽഅഹ്​ലി^അൽബാതിൻ കളിയിലാണ്​ ആദ്യമായി സൗദിയിൽ വനിതകൾ സ്​റ്റേഡിയത്തിലെത്തിയത്​. വരുംദിവസങ്ങളിൽ ദമ്മാമിലും റിയാദിലും നടക്കുന്ന കളികൾക്കും വനിതകൾ എത്തും.