ഈജിപ്ത് വിദേശകാര്യ മന്ത്രിയുടെ ഗള്‍ഫ് പര്യടനം ഇന്ന്​ ആരംഭിക്കും

റിയാദ്: ഈജിപത് വിദേശകാര്യ മന്ത്രി സാമിഹ് ശുക്രിയുടെ ഗള്‍ഫ് പര്യടനം ഞായറാഴ്ച ആരംഭിക്കുമെന്ന് വിദേശകാര്യ വക്താവ് അഹമദ് അബൂസൈദ് വ്യക്തമാക്കി. സൗദി അറേബ്യ, യു.എ.ഇ, ബഹ്റൈന്‍, കുവൈത്ത്, ഒമാന്‍ എന്നീ ഗല്‍ഫ് രാജ്യങ്ങള്‍ക്ക് പുറമെ ജോർഡനും അദ്ദേഹം സന്ദര്‍ശിക്കും. മേഖലയിലെ രാഷ്​ട്രീയ, സുരക്ഷ വിഷയങ്ങള്‍ ഗള്‍ഫ് നേതാക്കളുമായി വിദേശകാര്യ മന്ത്രി ചര്‍ച്ച ചെയ്യും. 
ലബനാനിലെ പുതിയ സംഭവ വികാസങ്ങളും ഇറാ​​െൻറ മേഖലയിലെ ഇടപെടലും  മുഖ്യചർച്ചാവിഷയമായേക്കുമെന്ന് അല്‍അറബിയ്യ റിപ്പോര്‍ട്ട് ചെയ്തു. യമന്‍, സിറിയ തുടങ്ങിയ വിഷയങ്ങളും നേതാക്കള്‍ ചര്‍ച്ച ചെയ്തേക്കും. ഗള്‍ഫ്​ രാജ്യങ്ങള്‍ക്ക് ഈജിപത് നല്‍കുന്ന പിന്തുണയുടെയും മേഖലയിലെ സുരക്ഷക്ക് ഈജിപ്ത് നല്‍കുന്ന പ്രാധാന്യത്തി​​െൻറയും ഭാഗമായാണ് വിദേശകാര്യ മന്ത്രിയുടെ ഗള്‍ഫ് പര്യടനമെന്ന് വക്താവ് കൂട്ടിച്ചേര്‍ത്തു.