സിറിയന്‍ പ്രശ്നപരിഹാര സമ്മേളനം 23ന് വിയന്നയില്‍ 

റിയാദ്: സിറിയൻ പ്രശ്​നപരിഹാരത്തിനുവേണ്ടി െഎക്യരാഷ്​​്​്​്​​ട്രസഭയുടെ നേതൃത്വത്തിൽ വിയന്നയിൽ  മാർച്ച്​ 23^ന്​ സമ്മേളനം ചേരും.  
ഇതി​​െൻറ മുന്നോടിയായി സിറിയന്‍ പ്രതിപക്ഷത്തെ പ്രതിനിധീകരിക്കുന്ന സംഘത്തി​​െൻറ ഉന്നത തല യോഗം വെള്ളി, ശനി ദിവസങ്ങളില്‍ റിയാദില്‍ നടന്നു.
ആറ് വര്‍ഷമായി ആഭ്യന്തരസംഘർഷം തുടരുന്ന സിറയയിലെ പ്രശ്ന പരിഹാരത്തിന് ഐക്യരാഷ്​ട്രസഭയുടെ നേതൃത്വത്തിൽ നടക്കുന്ന സുപ്രധാനചുവടുവെപ്പാണിത്​. രാഷ്​ട്രീയ അധികാര കൈമാറ്റം, പുതിയ ഭരണഘടന, സ്വതന്ത്രവും നിഷ്പക്ഷവുമായ തെരഞ്ഞെടുപ്പ് എന്നീ മൂന്ന് അജണ്ടകള്‍ മുന്നോട്ടുവെച്ചാണ്​ സിറിയന്‍ പ്രതിപക്ഷം വിയന്ന സമ്മേളനത്തില്‍ പങ്കെടുക്കുന്നതെന്ന് സംഘത്തിലെ ഫുആദ് അലി വ്യക്തമാക്കി. 
ഞായര്‍, തിങ്കള്‍ ദിവസങ്ങളില്‍കൂടി ഇതുമായി ബന്ധപ്പെട്ട ചര്‍ച്ചയും വിയന്ന സമ്മേളനത്തി​​െൻറ മുന്നൊരുക്കവും നടക്കുമെന്നും അറബ്​ മാധ്യമ റിപ്പോര്‍ട്ടുകളില്‍ പറയുന്നു. 
ഐക്യരാഷ്​ട്രസഭ സിറയയിലേക്ക് നിയോഗിച്ച സ്​റ്റീഫന്‍ ഡി മെസ്ട്രോയുടെ ശ്രമഫലമായി നടക്കുന്ന നാലാമത് സമ്മേളനമാണ് 23ന് വിയന്നയില്‍ ചേരുന്നത്.