സ്കൂളുകളില്‍  പൊതുപരിപാടിക്ക് അനുമതി  വാങ്ങണം

റിയാദ്: യോഗങ്ങള്‍, സാംസ്കാരിക, കായിക പരിപാടികള്‍ എന്നിവക്ക് പ്രവൃത്തി സമയത്തല്ലാതെ ഗവ.,സ്വകാര്യ സ്കൂളുകള്‍ ഉപയോഗിക്കുന്നതിന് വിദ്യാഭ്യാസ ഓഫീസിന്‍െറ അനുമതി വാങ്ങണമെന്ന് അധികതര്‍ അറിയിച്ചു. അനുമതിയില്ലാതെ ഇത്തരം പരിപാടികള്‍ക്ക് സ്കൂളുകള്‍ തുറന്നുകൊടുക്കരുതെന്ന്  സ്ഥാപന ഉടമകളോടും മേധാവികളോടും വിദ്യാഭ്യാസ ഓഫീസ് നിര്‍ദേശിച്ചു.  പ്രവൃത്തി സമയത്തല്ലാതെ സ്കൂള്‍ കെട്ടിടം മറ്റ് ആവശ്യങ്ങള്‍ക്ക് ഉപയോഗിക്കരുതെന്നും  ഉടമകളും മേധാവികളും മുന്‍കൂട്ടി രേഖാമൂലം അനുമതി വാങ്ങിയിരിക്കണമെന്നും റിയാദ് മേഖല വിദ്യാഭ്യാസ മേധാവി അബ്ദുല്ല അല്‍മാനിഅ് പറഞ്ഞു. സ്കൂള്‍ കെട്ടിടം ലൈസന്‍സുള്ള കാര്യങ്ങള്‍ക്കെ ഉപയോഗപ്പെടുത്താവൂ എന്നും അദ്ദേഹം പറഞ്ഞു.