ആഡംബര കാറുകള് മോഷ്ടിക്കുന്ന ഏഴംഗ സംഘം പിടിയില്
text_fieldsറിയാദ്: ആഡംബര കാറുകളും പാര്ട്സുകളും മോഷ്ടിച്ച് വില്പന നടത്തിയിരുന്ന ഏഴംഗ സംഘത്തെ റിയാദ് പൊലീസ് പിടികൂടി. ഇതില് നാലു പേര് പാക് പൗരന്മാരും മൂന്നു പേര് ബംഗ്ളാദേശികളുമാണെന്ന് റിയാദ് പൊലീസ് വക്താവ് കേണല് ഫവാസ് അല്മൈമാന് അറിയിച്ചു. സെയ്ന് മുഹമ്മദ് ഗുലാം, മുഹമ്മദ് ഗുലാം അനാന്, ഗുലാം മുഹമ്മദ് ഇര്ഫാന്, സല്മാന് ഗുലാം, ഫൈസല് ഇമാം ഹുസൈന് അഹ്മദ്, അബ്റാര് അബ്ദുല് മന്നാന്, ഹാറൂണ് മിയ എന്നിവരാണ് പിടിയിലായത്. വീടിന് മുന്നില് നിര്ത്തിയിടുന്ന വാഹനങ്ങള് മോഷ്ടിക്കുകയോ പാര്ട്സുകള് വിദഗ്ധമായി അഴിച്ചു മാറ്റി കൊണ്ടുപോവുകയോ ആയിരുന്നു ഇവരുടെ രീതിയെന്ന് പൊലീസ് പറഞ്ഞു. നിരവധി കാറുകളും പാര്ട്സുകളും ഈ രീതിയില് മോഷ്ടിച്ചതായി പ്രതികള് ചോദ്യം ചെയ്യലില് സമ്മതിച്ചു.
സ്വദേശികളില് നിന്ന് ലഭിച്ച പരാതികളുടെ അടിസ്ഥാനത്തില് വാഹനങ്ങള് നഷ്ടമായ വീടുകള്ക്ക് പരിസരത്തെ മൊബൈല് ടവറുകള് കേന്ദ്രീകരിച്ച് നടത്തിയ അന്വേഷണത്തിലാണ് പ്രതികള് പിടിയിലായത്. ഇവരുടെ താമസ സ്ഥലത്തു നിന്ന് വില്പന നടത്താനായി സൂക്ഷിച്ച വാഹനങ്ങളുടെ പാര്ട്സുകള് കണ്ടത്തെി. രാത്രി വൈകിയാണ് സംഘം മോഷണം നടത്തിയിരുന്നത്.
ഇവര് വില്പന നടത്തിയ കാറുകളും പാര്ട്സുകളും വൈകാതെ പിടികൂടുമെന്ന് പൊലീസ് അറിയിച്ചു. പ്രതികളെ തുടര് നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.