കണ്ടെയ്നറില്‍ ജീവനക്കാര്‍ക്ക്  താമസം; കമ്പനിക്കെതിരെ നടപടി

അറാര്‍: കണ്ടെയ്നറിനുള്ളില്‍ ജീവനക്കാര്‍ക്ക് താമസ സൗകര്യം നല്‍കിയ കമ്പനിക്കെതിരെ തൊഴില്‍ വകുപ്പ് നടപടി. മൂന്നു കമ്പനികള്‍ക്കെതിരെയാണ് അധികൃതര്‍ നടപടി സ്വീകരിച്ചത്്. തൊഴിലാളികളെ കൊടും തണുപ്പിലും കണ്ടെയ്നറിനുള്ളില്‍ താമസിപ്പിച്ചതായി ലഭിച്ച പരാതിയെ തുടര്‍ന്നാണ് ഉദ്യോഗസ്ഥര്‍ എത്തിയത്. പരിശോധനയില്‍ തൊഴിലാളികള്‍ പരിതാപകരമായ അവസ്ഥയില്‍ കഴിയുന്നതായി കണ്ടത്തെി. ഇതേ തുടര്‍ന്നാണ് തൊഴില്‍ വകുപ്പ് പരിശോധന നടത്തിയത്. കുറ്റക്കാര്‍ക്കെതിരെ നിയമ നടപടികളുണ്ടാവുമെന്ന് അധികൃതര്‍ മുന്നറിയിപ്പ് നല്‍കി. ഈ രീതിയിലുള്ള നിയമലംഘനങ്ങള്‍ ശ്രദ്ധയില്‍പെട്ടാല്‍ 19911 എന്ന ടോള്‍ഫ്രീ നമ്പറില്‍ വിവരം അറിയിക്കണമെന്ന് അധികൃതര്‍ അറിയിച്ചു.