നവോദയ  മെഡിക്കല്‍ ക്യാമ്പ് വെള്ളിയാഴ്ച

ജിദ്ദ: നവോദയ ബവാദി ഏരിയ കമ്മിറ്റി, അല്‍മാസ് ഐഡിയല്‍ മെഡിക്കല്‍ സെന്‍ററിന്‍െറ  സഹകരണത്തോടെ  ഏകദിന മെഡിക്കല്‍ ക്യാമ്പ്  സംഘടിപ്പിക്കുന്നു. ഈമാസം 24ന് വെള്ളിയാഴ്ച രാവിലെ ഒമ്പത് മുതല്‍ രാത്രി ഒമ്പത് വരെയാണ് ക്യാമ്പെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മാക്രോണ സ്ട്രീറ്റിലെ  അല്‍ മാസ് ഐഡിയല്‍ മെഡിക്കല്‍ സെന്‍ററിലെ  ഡോക്ടര്‍മാരുടെനേതൃത്വത്തില്‍ ആശുപത്രിയില്‍ വെച്ചാണ്  പരിശോധനയും ബോധവത്കരണ ക്ളാസും നടത്തുക.
ഹൃദയാഘാതം മൂലം നിരവധി മലയാളികള്‍ അടുത്ത കാലത്തായി ജിദ്ദയില്‍ തന്നെ മരണപ്പെട്ട സാഹചര്യത്തിലാണ് ക്യാമ്പ്.
 വാര്‍ത്താ സമ്മേളനത്തില്‍ നവോദയ ഭാരവാഹികളായ നവാസ് വെമ്പായം, ശ്രീകുമാര്‍ മാവേലിക്കര, ഫിറോസ് മുഴിപ്പിലങ്ങാട്,  മൊയ്തീന്‍, ഹുസൈന്‍ വല്ലിശ്ശേരി, റഫീഖ് മമ്പാട്, അല്‍ മാസ് ഐഡിയല്‍ മെഡിക്കല്‍ സെന്‍റര്‍ സാരഥി അയ്യൂബ് മാസ്്റ്റര്‍ തുടങ്ങിയവര്‍ സംബന്ധിച്ചു.