മക്കയിൽ അഗ്​നിബാധ: മൂന്ന്​ യുവതികൾ മരിച്ചു

മക്ക: താമസ കെട്ടിടത്തിലുണ്ടായ അഗ്നിബാധയിൽ സ്വദേശികളായ മൂന്ന് യുവതികൾ മരിച്ചു. മക്കയിലെ ഹയ് ഹസീനിയയിൽ ശനിയാഴ്​ച രാവിലെയാണ് സംഭവം. രണ്ട് നില കെട്ടിടത്തിലെ ഒന്നാം നിലയിലെ ഒരു മുറിയിലാണ്​ അഗ്നിബാധയുണ്ടായത്. ഉറങ്ങുകയായിരുന്ന യുവതികളാണ്​ അപകടത്തിൽ പെട്ടത്​ .സിവിൽ ഡിഫൻസ്​ എത്തിയാണ് തീ അണച്ചത്. മൂന്ന് സ്​ത്രീകൾ മരിച്ചതായി മക്ക സിവിൽ ഡിഫൻസ്​ വക്താവ് കേണൽ നാഇഫ് അൽശരീഫ് സ്​ഥിരീകരിച്ചു.  കാരണമറിയാൻ അന്വേഷണമാരംഭിച്ചതായും സിവിൽ ഡിഫൻസ്​ വക്താവ് പറഞ്ഞു.