പൊലീസ് വേഷമണിഞ്ഞ്​ വിദേശികളെ കൊള്ളയടിക്കുന്നയാൾ അറസ്​റ്റിൽ

റിയാദ്: പൊലിസ് വേഷമണിഞ്ഞ് വിദേശികളെ കൊള്ളയടിക്കുന്ന സ്വദേശിയെ റിയാദ് പൊലീസ് അറസ്റ്റ് ചെയ്തു.  വിദേശികളെ ജോലിസ്ഥലത്തും വഴിയിലും തടഞ്ഞുവെച്ച് പരിശോധനക്കെന്ന വ്യാജേന  പണവും മൊബൈലും വിലപിടിപ്പുള്ള വസ്തുക്കളും കവരുന്നതായി പലരില്‍ നിന്നായി പരാതി ലഭിച്ചതി​െൻറ അടിസ്ഥാനത്തില്‍ തന്ത്രപൂർവം പോലിസ് ഇദ്ദേഹത്തെ വലയിലാക്കുകയായിരുന്നു. 30 വയസ്സുള്ള  പ്രതി കുറ്റം സമ്മതിച്ചതായും 13 ലധികം കേസുകളില്‍ ഇദ്ദേഹം കുറ്റക്കാരനാണെന്ന് ബോധ്യപ്പെട്ടതായും പോലിസ് വൃത്തങ്ങള്‍ പറഞ്ഞു. പ്രതിയെ തുടര്‍നടപടികള്‍ക്കായി പബ്ളിക് പ്രോസിക്യൂഷന് കൈമാറിയിരിക്കയാണ്.