ഹൂതി ബാലിസ്റ്റിക്  മിസൈലുകള്‍ തകര്‍ത്തു

ജിദ്ദ: സൗദിയിലെ ഖമീസ് മുശൈത്തിനെ ലക്ഷ്യമാക്കി യമന്‍ അതിര്‍ത്തിയില്‍ നിന്ന് ഹൂതികള്‍ തൊടുത്തുവിട്ട ബാലിസ്റ്റിക് മിസൈലുകള്‍ സൗദി പ്രതിരോധ സേന തകര്‍ത്തു. തിങ്കളാഴ് രാത്രിയിലാണ് സംഭവം. സംഭവത്തെ തുടര്‍ന്ന് യമനിലെ തഇസ് നഗരത്തിലുള്ള ഹൂതി സൈനിക കേന്ദ്രങ്ങളില്‍ സഖ്യസേന ആക്രമണം നടത്തി. സഖ്യസേനയുടെ തിരിച്ചടിയില്‍ ഹൂതി കമാണ്ടറായ അബു മുഹമ്മദ് അല്‍ ഓസ്ജയും നാലു സൈനികരും  കൊല്ലപ്പെട്ടതായി ‘അല്‍അറബിയ’ റിപ്പോര്‍ട്ട് ചെയ്തു. കഴിഞ്ഞ ദിവസങ്ങളില്‍ യമന്‍ തലസ്ഥാനമായ സന്‍ആയിലും ഹൂതി ശക്തി കേന്ദ്രമായ സആദ, തഇസ് എന്നിവിടങ്ങളിലും സഖ്യസേന ആക്രമണം നടത്തിയിരുന്നു.