സൗദിയിലേക്ക് കടത്താന്‍ ശ്രമിച്ച 59 സര്‍പ്പങ്ങള്‍ പിടിയില്‍

റിയാദ്: സൗദിയിലേക്ക് ഒളിച്ചുകടത്താന്‍ ശ്രമിച്ച 59 സര്‍പ്പങ്ങളെ കസ്റ്റംസ് വിഭാഗം പിടികൂടി. ബത്ഹ അതിര്‍ത്തിയില്‍ കരമാര്‍ഗം സര്‍പ്പങ്ങളെ കടത്താന്‍ ശ്രമിച്ചയാളെയും അന്വേഷണ വിധേയമായി കസ്റ്റഡിയില്‍ എടുത്തിട്ടുണ്ട്. പരിശോധനയില്‍ ലഘൂകരണം കിട്ടാന്‍ ഇയാള്‍ കുടുംബത്തോടൊപ്പമാണ് സഞ്ചരിച്ചിരുന്നത്. എട്ട് സഞ്ചികളിലാക്കിയ പാമ്പുകളെ വാഹനത്തിലെ മുന്‍സീറ്റില്‍ കാലിനടിയിലാണ് സൂക്ഷിച്ചിരുന്നതെന്ന് ബത്ഹ കസ്റ്റംസ് മേധാവി അബ്ദുറഹ്മാന്‍ അല്‍മുഹന്ന പറഞ്ഞു. സര്‍പ്പങ്ങളെ സംരക്ഷണത്തിനായി റിയാദ് മൃഗശാലക്ക് കൈമാറി. ഇത്തരം ജീവികളെ കൊണ്ടുവരാന്‍ മുന്‍കൂട്ടി അനുവാദം വാങ്ങി നടപടികള്‍ പുര്‍ത്തായാക്കേണ്ടതുണ്ടെന്നും കസ്റ്റംസ് മേധാവി പറഞ്ഞു.