ബസ് പാലത്തിന് മുകളില്‍ നിന്ന്  താഴേക്ക് മറിഞ്ഞു; ആറ് മരണം

അബഹ: അസീര്‍ മേഖലയില്‍ ദലഅ് ചുരം റോഡില്‍ ബസ് പാലത്തിന് മുകളില്‍ നിന്ന് താഴേക്ക് മറിഞ്ഞ് ആറു പേര്‍ മരിച്ചു. 53 പേര്‍ക്ക് പരിക്കേറ്റു. തിങ്കളാഴ്ച രാവിലെയാണ് 63 പേര്‍ യാത്ര ചെയ്ത ബസ് നിയന്ത്രണം വിട്ട് പാലത്തിന്‍െറ മുകളില്‍ നിന്ന് മറിഞ്ഞത്. നാല് യാത്രക്കാര്‍ക്ക് പരിക്കേല്‍ക്കാതെ രക്ഷപ്പെട്ടു. അപകടം നടന്ന ഉടനെ പൊലീസ്, ട്രാഫിക്, ആരോഗ്യം, റെഡ്ക്രസന്‍റ് വിഭാഗങ്ങള്‍ സ്ഥലത്തത്തെിയിരുന്നു. പരിക്കേറ്റവരെ ആശുപത്രിയിലേക്ക് മാറ്റി. അപകടത്തെ തുടര്‍ന്ന് അല്‍പ നേരത്തേക്ക് ചുരം റോഡ് അടച്ചിട്ടു.