‘പ്രവാസി’ മഹോത്സവം ഇന്ന് 

റിയാദ്: ഓണം -ഈദ് ആഘോഷങ്ങളുടെ ഭാഗമായി പ്രവാസി സാംസ്കാരിക വേദിയുടെ ആഭിമുഖ്യത്തില്‍ സംഘടിപ്പിക്കുന്ന പ്രവാസി മഹോത്സവത്തിന് ഇന്ന് ഉച്ചയോടെ തുടക്കമാകും. 
അല്‍ ഉവൈദ ഫാമില്‍ ഉച്ചക്ക് 2.30ന് ആരംഭിക്കുന്ന കായിക മത്സരങ്ങളോടെയാണ് ഒരുമാസമായി തുടരുന്ന വിവിധ കലാ കായിക മല്‍സരങ്ങള്‍ക്ക് പരിസമാപ്തിയാവുക. 
തുടര്‍ന്ന്  സാംസ്കാരിക സമ്മേളനം, ലഘുനാടകം, നൃത്യനര്‍ത്ത്യങ്ങള്‍, നസീബ് ഷോ, മൈമിങ്, ഒപ്പനമാല, മിനി മാരത്തോണ്‍, വടംവലി, മെഹന്തി തുടങ്ങി വിവിധ പരിപാടികള്‍ നടക്കുമെന്ന്  സംഘാടകര്‍ അറിയിച്ചു. വിജയികള്‍ക്കുള്ള സമ്മാന വിതരണവും നടക്കും.