ലോകകപ്പ് ഫുട്ബാള്‍ യോഗ്യത: യു.എ.ഇക്കെതിരെ  സൗദിക്ക് മൂന്ന് ഗോള്‍ ജയം

റിയാദ്: ജിദ്ദയില്‍ നടന്ന ലോകകപ്പ് ഫുട്ബാള്‍ യോഗ്യതാ മത്സരത്തില്‍ സൗദി അറേബ്യ ഏകപക്ഷീയമായ മൂന്ന് ഗോളിന് യു.എ.ഇയെ തകര്‍ത്തു. ഇതോടെ പത്ത് പോയന്‍റുമായി ഗ്രൂപ്പ് ബിയില്‍ സൗദി ഒന്നാമതായി. എട്ടുപോയന്‍റുള്ള ആസ്ട്രേലിയയാണ് രണ്ടാം സ്ഥാനത്ത്. എഴ് പോയന്‍റുള്ള ജപ്പാനും പിന്നില്‍ നാലാം സ്ഥാനത്താണ് ആറ് പോയന്‍റുമായി യു.എ.ഇ.
20 മിനിറ്റിനുള്ളില്‍ സൗദി നേടിയ മൂന്ന് ഗോളുകളാണ് യു.എ.ഇയെ തകര്‍ത്തത്. 
സൗദിക്ക് വേണ്ടി ഫഹദ് ആല്‍ മുവല്ലദ്, നവാഫ് ആല്‍ ആബിദ്, യഹ്യ ആല്‍ ശഹ്രി എന്നിവരാണ് ഗോള്‍ നേടിയത്.  രണ്ടാം പകുതിയിലാണ് സൗദി മൂന്ന് ഗോളും നേടിയത്.