മലപ്പുറം സ്വദേശി ജിദ്ദയില്‍ വാഹനാപകടത്തില്‍ മരിച്ചു

ജിദ്ദ: മലപ്പുറം കോട്ടക്കല്‍ കാവതിക്കുളം സ്വദേശി വടക്കേതില്‍ അബ്്ദുസമദ് (30) വാഹനാപകടത്തില്‍ മരിച്ചു. തിങ്കളാഴ്ച പുലര്‍ച്ചെ 2.30 ഓടെ വിമാനത്താവളത്തിനടുത്താണ് അപകടം. ബേക്കറി ജീവനക്കാരനായിരുന്നു. ജോലി കഴിഞ്ഞ മടങ്ങുന്നതിനിടെ ഇയാള്‍ സഞ്ചരിച്ച കാര്‍ ട്രൈലറുമായി കൂട്ടിയിടിക്കുകയായിരുന്നു. മൃതദേഹം കിങ് ഫഹദ് ആശുപത്രി മോര്‍ച്ചറിയില്‍.  ഏഴ് വര്‍ഷമായി സൗദിയില്‍ ജോലി ചെയ്യുന്ന  അബ്ദുസമദ് അടുത്ത മാസം നാട്ടിലേക്കു പോകാന്‍ തയാറായിരുന്നു. പിതാവ്: യൂസുഫ്. മാതാവ്: സൈനബ. ഭാര്യയും ഒരു കുട്ടിയും നാട്ടിലാണ്. നടപടിക്രമങ്ങള്‍ പുര്‍ത്തിയാക്കി മൃതദേഹം നാട്ടില്‍ കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.