മക്കക്ക് നേരെ ആക്രമണം:   ഒ.ഐ.സി അടിയന്തരയോഗം ശനിയാഴ്ച

ജിദ്ദ: മക്കക്ക് നേരെ യമനിലെ ഹൂതി വിമതര്‍ മിസൈലാക്രമണം നടത്തിയ പശ്ചാത്തലത്തില്‍ ഓര്‍ഗനൈശേഷന്‍ ഓഫ് ഇസ്ലാമിക് കോ ഓപറേഷന്‍ (ഒ.ഐ.സി) അടിയന്തിര യോഗം ചേരുന്നു. അടുത്ത ശനിയാഴ്ചയാണ് എക്സിക്യുട്ടീവ് അംഗങ്ങളുടെ അടിയന്തിര യോഗം വിളിച്ചിരിക്കുന്നതെന്ന് ഒ.ഐ.സി ജനറല്‍ സെക്രട്ടറി ഇയാദ് മദനി പറഞ്ഞു. ജിദ്ദയിലെ ആസ്ഥാനത്ത് നടക്കുന്ന യോഗത്തില്‍ ഹൂതി വിമതരും സാലിഹ് അനുകൂലികളും മക്കയെ ലക്ഷ്യമിട്ട് നടത്തിയ മിസൈലാക്രമണമടക്കമുള്ള കാര്യങ്ങള്‍ ചര്‍ച്ച ചെയ്യുമെന്നും അദ്ദേഹം പറഞ്ഞു.