എണ്ണ വില ഉയരുന്നു; വീപ്പക്ക് 49.44

റിയാദ്: സാമ്പത്തിക പ്രതിസന്ധിക്ക് ആശ്വാസം പകരുന്ന സൂചനകള്‍ നല്‍കി എണ്ണ വില ഉയരുന്നു. തിങ്കളാഴ്ച വ്യാപാരം അവസാനിച്ചപ്പോള്‍ അസംസ്കൃത എണ്ണ ഒരു വീപ്പക്ക് ആഗോള വിപണിയില്‍ 49.44 ഡോളറാണ് വില. ബ്രെന്‍ഡ് അസംസ്കൃത എണ്ണക്ക് 49.36 ഡോളറാണ് വീപ്പയുടെ വില. കഴിഞ്ഞ ദിവസം ഇത് 50 കഴിഞ്ഞിരുന്നു. ഏഴു മാസത്തിനുള്ളിലെ ഏറ്റവും കൂടിയ വിലയാണിത്. അന്താരാഷ്ട്ര വിപണയില്‍ എണ്ണയുടെ വില ഉയരുന്നത് മേഖലക്ക് പുത്തനുണര്‍വ് നല്‍കുമെന്നാണ് വിദഗ്ധര്‍ കണക്കു കൂട്ടുന്നത്. സൗദിയില്‍ പുതിയ മൂന്ന് എണ്ണപ്പാടങ്ങള്‍ കൂടി കണ്ടത്തെിയതായി കഴിഞ്ഞ ദിവസം അരാംകോ മേധാവി വ്യക്തമാക്കിയിരുന്നു. നിക്ഷേപ സാധ്യതകള്‍ക്ക് കൂടുതല്‍ ആക്കം കൂട്ടുന്നതാണ് പുതിയ എണ്ണ ശേഖരത്തിന്‍െറ കണ്ടുപിടിത്തമെന്നും അദ്ദേഹം അഭിപ്രായപ്പെട്ടിരുന്നു.