പണിപോയ ജീവനക്കാരന്‍  ഹോട്ടല്‍ മാനേജരെ വെടിവെച്ചു

ജിദ്ദ: പിരിച്ചുവിടപ്പെട്ട ഹോട്ടല്‍ ജീവനക്കാരന്‍ തിരിച്ചത്തെി മാനേജരെ വെടിവെച്ചു. ത്വാഇഫിലെ പ്രശസ്തമായ ഹോട്ടലിലാണ് സംഭവം. ഗുരുതരമായി പരിക്കേറ്റ മാനേജര്‍ ആശുപത്രിയിലാണ്. 
വിവിധ കാരണങ്ങളാല്‍ ജോലി നഷ്ടപ്പെട്ട ജീവനക്കാരന്‍ തോക്കുമായി തിരിച്ചത്തെുകയും വാക്കേറ്റത്തിനൊടുവില്‍ മാനേജര്‍ക്കുനേരെ നിറയൊഴിക്കുകയുമായിരുന്നു. അടിവയറില്‍ വെടിയുണ്ട തുളച്ചുകയറി ഗുരുതരാവസ്ഥയിലായ ഇയാളെ കിങ് അബ്ദുല്‍ അസീസ് സ്പെഷലിസ്റ്റ് ഹോസ്പിറ്റലില്‍ പ്രവേശിപ്പിച്ച് അടിയന്തിര ശസ്ത്രക്രിയക്ക് വിധേയനാക്കി. ഇതുവരെയും അപകടാവസ്ഥ തരണം ചെയ്തിട്ടില്ല. 
സംഭവത്തിനുശേഷം തോക്കുമായി രക്ഷപ്പെട്ട പ്രതിക്ക് വേണ്ടി പൊലീസ് വ്യാപക തെരച്ചില്‍ ആരംഭിച്ചിട്ടുണ്ട്.