രണ്ടേകാല്‍ കോടിയുമായി  ബാങ്ക് മാനേജര്‍ മുങ്ങി

ജിദ്ദ: ബാങ്കില്‍ നിന്ന് 2.25 കോടി റിയാല്‍ കൊള്ളയടിച്ച് മാനേജര്‍ നാടുവിട്ടു. ത്വാഇഫ് ഗവര്‍ണറേറ്റിലെ ഒരു ബാങ്കില്‍ ദീര്‍ഘകാലമായി മാനേജരായിരുന്ന സ്വദേശിയാണ് പണവുമായി മുങ്ങിയത്. ജോര്‍ഡനിലേക്കാണ് ഇയാള്‍ പോയതെന്ന് കരുതുന്നു. തന്‍െറ സഹപ്രവര്‍ത്തകരുടെയും മറ്റും അക്കൗണ്ടിന്‍െറ പിന്‍ നമ്പറുകള്‍ ചോര്‍ത്തിയാണ് ഇയാള്‍ തട്ടിപ്പ് നടത്തിയത്. വിവരം പുറത്തുവന്നതിന് പിന്നാലെ പ്രാഥമിക അന്വേഷണം നടത്തിയ പൊലീസ്, ബാങ്കിലെ രണ്ടുജീവനക്കാരെ അറസ്റ്റുചെയ്തിട്ടുണ്ട്. തട്ടിപ്പിന് കൂട്ടുനിന്നുവെന്ന് കണ്ടത്തെിയതിനെ തുടര്‍ന്നാണ് ഇവരെ പിടികൂടിയത്. രണ്ടുപേരെയും ഇന്‍വെസ്റ്റിഗേഷന്‍ ബ്യൂറോക്കും പബ്ളിക് പ്രോസിക്യൂഷനും കൈമാറിയിട്ടുണ്ട്. നാടുവിട്ട മാനേജരെ കണ്ടത്തൊനും മടക്കിക്കൊണ്ടുവരാനും ശ്രമം ആരംഭിച്ചിട്ടുണ്ട്.