യമനിലെ ഇറാന്‍ എംബസി ആക്രമിച്ചെന്ന ആരോപണം അന്വേഷിക്കും -അസീരി

റിയാദ്: യമനിലെ എംബസിക്ക് നേരെ സൗദിയുടെ നേതൃത്വത്തിലുള്ള സേന ആക്രമണം നടത്തിയെന്ന ഇറാന്‍െറ ആരോപണം സംബന്ധിച്ച് അന്വേഷണം നടത്തുമെന്ന് സഖ്യ സേന വക്താവ് ബ്രിഗേഡിയര്‍ ജനറല്‍ അഹ്മദ് അസീരി പറഞ്ഞു. സിവിലിയന്‍ കേന്ദ്രങ്ങള്‍ക്ക് പുറമെ എംബസി കെട്ടിടങ്ങളില്‍ നിന്നും ഹൂതികള്‍ സഖ്യ സേനക്കു നേരെ ആക്രമണം നടത്തുന്നുണ്ട്. ഇത് ചെറുക്കുന്നതിന്‍െറ ഭാഗമായി ബുധനാഴ്ച രാത്രി വൈകി യമന്‍ തലസ്ഥാനമായ സനയിലെ ഹൂതി വിമതരുടെ മിസൈല്‍ കേന്ദ്രങ്ങള്‍ക്ക് നേരെ സഖ്യ സേന കനത്ത ആക്രമണം നടത്തിയിരുന്നു. എല്ലാ രാജ്യങ്ങളോടും യമനിലുള്ള അവരുടെ നയതന്ത്ര സ്ഥാപനങ്ങളുടെ വിശദാംശങ്ങള്‍ നല്‍കാന്‍ സഖ്യ സേന നേരത്തേ തന്നെ ആവശ്യപ്പെട്ടിരുന്നു. ഹൂതികള്‍ നല്‍കിയ വിവരത്തിന്‍െറ അടിസ്ഥാനത്തിലാണ് ഇറാന്‍ ആരോപണം ഉന്നയിച്ചിരിക്കുന്നതെന്നും അതിന് വിശ്വാസ്യതയില്ളെന്നും അസീരി ചൂണ്ടിക്കാണിച്ചു.