കയര്‍കൊണ്ട് കെട്ടിയ ലഗേജുകള്‍ അനുവദിക്കില്ളെന്ന് എയര്‍പോര്‍ട്ട് അതോറിറ്റി

ദമ്മാം: കയര്‍ കൊണ്ട് കെട്ടിയ ലഗേജുകള്‍ ഇനി മുതല്‍ ദമ്മാം കിംഗ് ഫഹദ് എയര്‍പോര്‍ട്ടില്‍ അനുവദിക്കില്ളെന്ന് എയര്‍പോര്‍ട്ട് അതോറിറ്റി അറിയിച്ചു. ദമ്മാം കിംഗ് ഫഹദ് എയര്‍ പോര്‍ട്ട് അതോറിറ്റി ഇതുമായി ബന്ധപ്പെട്ട് സര്‍ക്കുലര്‍ പുറപ്പെടുവിച്ചിട്ടുണ്ട്. എയര്‍ പോര്‍ട്ടില്‍ ലഗേജുകള്‍ വഹിക്കുന്ന ബെല്‍ട്ടില്‍  കയറുകള്‍ കുടുങ്ങി തകരാറുകളും അപകടങ്ങളും സംഭവിക്കുകയും വിമാനങ്ങള്‍ വൈകുകയും ചെയ്തതിനെ തുടര്‍ന്നാണ് ഇത്തരമൊരു തീരുമാനം. യാത്രക്കാര്‍ കയറുകൊണ്ട് ബന്ധിക്കാതെ ലഗേജുകള്‍ കൊണ്ടുവരണമെന്നും അല്ളെങ്കില്‍ പ്ളാസ്റ്റിക് കൊണ്ട് പൊതിയണമെന്നും എയര്‍ ഇന്ത്യ അറിയിച്ചു.