വര്ണാഭമായ പരിപാടികളോടെ ഇന്ത്യ ഫോറം കാര്ണിവല് അരങ്ങേറി
text_fieldsജിദ്ദ: വര്ണശബളമായ പരിപാടികളോടെ ഇന്ത്യ ഫോറം കാര്ണിവല് ജിദ്ദ ഇന്ത്യന് കോണ്സുലേറ്റ് അങ്കണത്തില് അരങ്ങേറി. മുന് കേന്ദ്രമന്ത്രി സെയ്ദ് ഷാനവാസ് ഹുസൈനായിരുന്നു മുഖ്യാതിഥി. ഹജ്ജ് കമ്മിറ്റി ചെയര്മാന് ഖൈസര് ഷമീം, അംഗം റശീദ് അന്സാരി എന്നിവരും പങ്കെടുത്തു.
കോണ്സല് ജനറല് ബി.എസ് മുബാറക്കിന്െറ അധ്യക്ഷതയിലാണ് പരിപാടികള് നടന്നത്. ഡെപ്യൂട്ടി കോണ്സല് ജനറല് മുഹമ്മദ് ശാഹിദ് ആലം നേതൃത്വം നല്കി. വിവിധ സംഘങ്ങള് അവതരിപ്പിച്ച സാംസ്കാരിക പരിപാടികള്ക്ക് പുറമേ വ്യത്യസ്തമായ മത്സരങ്ങളും ഒരുക്കിയിരുന്നു. ഭക്ഷണം, വസ്ത്രം, ആഭരണം, കളിക്കോപ്പുകള് എന്നിവയുടെ സ്റ്റാളുകള് സന്ദര്ശകരായി എത്തിയ 3,000 ലേറെ വരുന്ന ഇന്ത്യന് കുടുംബാംഗങ്ങള്ക്ക് കൗതുകം പകര്ന്നു. മുഹമ്മദ് സിക്കന്ദര് അലി, ആശ ഷൈജു, റൈഹാന മുഹമ്മദ്, വസീം എന്നിവര് വിവിധ പരിപാടികള് അവതരിപ്പിച്ചു.
ജിദ്ദ കോണ്സുലേറ്റിന്െറ സാംസ്കാരിക വിഭാഗമായ ഇന്ത്യഫോറത്തിന്െറ ആഭിമുഖ്യത്തിലാണ് കാര്ണിവല് സംഘടിപ്പിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.