തബൂക്ക്-മദീന റോഡില്‍ വാഹനാപകടം; മൂന്ന് മരണം 

തബൂക്ക്: മദീന-തബൂക്ക് റോഡില്‍ വാഹനാപകടത്തില്‍ മൂന്നു സൗദി പൗരന്മാര്‍ കൊല്ലപ്പെട്ടു. 
എട്ടു പേര്‍ക്ക് പരിക്കേറ്റു. ഇവരെ തബൂക്കിലെ കിങ് ഫഹദ് ആശുപത്രി, കിങ് സല്‍മാന്‍ സൈനിക ആശുപത്രി എന്നിവിടങ്ങളില്‍ പ്രവേശിപ്പിച്ചു. രണ്ടു പേര്‍ സംഭവ സ്ഥലത്തും ഒരാള്‍ ആശുപത്രിയിലുമാണ് മരിച്ചതെന്ന് റെഡ്ക്രസന്‍റ് വക്താവ് ഖാലിദ് അന്‍സി അറിയിച്ചു. മൂന്ന് ആംബുലന്‍സുകളാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്.