‘അഹ് ലന്‍’ പ്രവര്‍ത്തക ക്യാമ്പ് 

 ജിദ്ദ: ജിദ്ദയിലെ പോത്തുകല്ല് പഞ്ചായത്ത് കെ.എം.സി.സി ‘അഹ്ലന്‍ 2017’ എന്ന പേരില്‍ പ്രവര്‍ത്തക ക്യാമ്പ് നടത്തി. അല്‍ റയ്യാന്‍ ഓഡിറ്റോറിയത്തില്‍ നടന്ന ക്യാമ്പില്‍ സൗജന്യ ആരോഗ്യ പരിശോധന ക്യാമ്പും, നോര്‍ക്ക കെ.എം.സി.സി സുരക്ഷാ പദ്ധതികളുടെ രജിസ്ട്രേഷനും നടന്നു. ഉച്ചക്ക് ശേഷം നടന്ന പഠന ക്യാമ്പ് ജിദ്ദ സെന്‍ട്രല്‍ കമ്മിറ്റി ജനറല്‍ സെക്രട്ടറി അബൂബക്കര്‍ അരിമ്പ്ര ഉദ്്്ഘാടനം ചെയ്തു. പഞ്ചായത്ത് കെ.എം.സി.സി പ്രസിഡന്‍റ്് അബ്്ദുല്‍ സലാം പൂളപ്പാടം അധ്യക്ഷത വഹിച്ചു. ശരീഫ് സാഗര്‍ മുഖ്യപ്രഭാഷകനായിരുന്നു. പി.സി.എ റഹ്മാന്‍, റഷീദ് വരിക്കോടന്‍, കെ.ടി ജുനൈസ് പോത്തുകല്ല്, അബൂട്ടി പള്ളത്ത് എന്നിവര്‍ സംസാരിച്ചു. മുസമ്മില്‍, സഹല്‍, ഇബ്രാഹിം,  എന്നിവര്‍ ഗാനങ്ങള്‍ ആലപിച്ചു.  ജനറല്‍ സെക്രട്ടറി സുധീര്‍ കുരിക്കള്‍, മുനവ്വര്‍ പൂങ്കുഴി, അജ്ജുനാസ് ആനപ്പട്ടത്ത്, ഹാരിസ്, ഫിറോസ്ഖാന്‍ കെ കെ, അബ്ദുല്‍ സലാം ഈന്തന്‍മുള്ളന്‍, അഫ്സല്‍ എന്നിവര്‍ നേതൃത്വം നല്‍കി.  സെക്രട്ടറി സലിം മുണ്ടേരി സ്വാഗതവും ട്രഷറര്‍ റിയാസ് അലി നന്ദിയും പറഞ്ഞു. മുജീബ് തയ്യില്‍ ഖിറാഅത്ത് നടത്തി.