ഫലസ്തീന്‍ മാധ്യമപ്രവര്‍ത്തകന്‍ ജിദ്ദയില്‍ മരിച്ചനിലയില്‍

ജിദ്ദ: ഫലസ്തീന്‍ സ്വദേശിയായ മാധ്യമപ്രവര്‍ത്തകനെ ജിദ്ദയിലെ താമസസ്ഥലത്ത് മരിച്ച നിലയില്‍ കണ്ടത്തെി. അല്‍ വതന്‍, അല്‍ മദീന അടക്കം മാധ്യമ സ്ഥാപനങ്ങളില്‍ ജോലി ചെയ്തിരുന്ന വഈല്‍ വഹീബ് എന്ന 60 കാരനാണ് മരിച്ചത്. വടക്കന്‍ ജിദ്ദയിലെ ഒരു ഫ്ളാറ്റിലാണ് അദ്ദേഹം താമസിച്ചിരുന്നത്. മരണകാരണം അറിയുന്നതിനായി മൃതദേഹം പോസ്റ്റ്മോര്‍ട്ടത്തിനായി മാറ്റി. സ്വാഭാവിക മരണമെന്നാണ് പ്രാഥമിക വിലയിരുത്തല്‍. ഇന്‍വെസ്റ്റിഗേഷന്‍ ബ്യൂറോ അന്വേഷണം ആരംഭിച്ചിട്ടുണ്ട്.