റൊട്ടി കടകളില്‍ പേപ്പര്‍ ബാഗുകള്‍ നിര്‍ബന്ധമാക്കുന്നു

ദമ്മാം: തമീസ്, റൊട്ടി കടകളില്‍ പേപ്പര്‍ ബാഗുകള്‍ നിര്‍ബന്ധമാക്കുന്നു. കിഴക്കന്‍ മേഖല മുനിസിപ്പാലിറ്റിയാണ് ആദ്യഘട്ടമെന്നോണം ഇത് നിര്‍ബന്ധമാക്കാന്‍ പോകുന്നത്. പ്ളാസ്റ്റിക്ക് ബാഗുകളുടെ ഉപയോഗം ക്രമേണ ഇല്ലതാക്കുകയാണ് ലക്ഷ്യമിടുന്നത്. കടയുടമകള്‍ക്ക് പേപ്പര്‍ ബാഗുകള്‍ ഒരുക്കാനുള്ള സാവകാശം നല്‍കുമെന്ന് അധികൃതര്‍ വ്യക്തമാക്കിയിട്ടുണ്ട്. മുഴുവന്‍ റൊട്ടി കടകളോടും തമീസ് വില്‍പന കേന്ദ്രങ്ങളോടും തീരുമാനം പാലിക്കണമെന്ന് ആവശ്യപ്പെട്ടതായി കിഴക്കന്‍ മേഖല മുനിസിപ്പാലിറ്റി വക്താവ് മുഹമ്മദ് അല്‍സുഫ്യാന്‍ പറഞ്ഞു. ഉപയോഗിക്കാന്‍ കൊള്ളാത്തതും മാലിന്യവുമുള്ള  കടലാസ് പെട്ടി കഷ്ണങ്ങളും ചൂടിനെ തടുക്കാന്‍ കഴിയാത്ത പ്ളാസ്റ്റിക് ബാഗുകളും റൊട്ടികടകളില്‍ ഉപയോഗിക്കുന്നത് ശ്രദ്ധയില്‍പെട്ടിട്ടുണ്ട്. മേയറുടെ നിര്‍ദേശത്തെ തുടര്‍ന്നാണിതെന്നും ഉപഭോക്താവിന്‍െറ ആരോഗ്യ സുരക്ഷയും പരിസ്ഥിതി സംരക്ഷണവുമാണ് ഇതിലൂടെ ലക്ഷ്യമിടുന്നതെന്നും നഗരസഭ വക്താവ് പറഞ്ഞു.