കാണാതായ മലപ്പുറം സ്വദേശി  ജീസാനിലെ ജയിലില്‍

ജിദ്ദ: കഴിഞ്ഞ ദിവസം ജീസാനിലേക്ക് ചരക്കുലോറിയുമായി പോയശേഷം കാണാതായ മലപ്പുറം പാലച്ചിറമാട്  മന്‍സൂര്‍ ജീസാനിലെ ജയിലിലുണ്ടെന്ന് ബന്ധുക്കള്‍ക്ക് വിവരം ലഭിച്ചു. വാഹനത്തില്‍ നിന്ന് അനധികൃതവസ്തുക്കള്‍ പിടികൂടിയതിനെ തുടര്‍ന്നാണ് ഇയാള്‍ ജയിലിലായതെന്നാണ് സൂചന. ശനിയാഴ്ച മന്‍സൂറിന്‍െറ സ്പോണ്‍സര്‍ ഹാജരായാലേ കൂടുതല്‍ വിവരങ്ങള്‍ ലഭ്യമാവൂ. ഹാഇലിലാണ് സ്പോണ്‍സറുള്ളത്. കഴിഞ്ഞ ബുധനാഴ്ചയാണ് മന്‍സൂര്‍ ജിദ്ദയില്‍ നിന്ന് ജീസാനിലെ സബ്യയിലേക്ക് ചരക്കുമായി പോയത്. 
 ചരക്ക് ഇറക്കി ജിദ്ദയിലേക്ക് തന്നെ മടങ്ങിയിട്ടുണ്ടെന്ന് നേരത്തെ വിവരം ലഭിച്ചിരുന്നു. അവിടെ നിന്ന് ചരക്ക് കയറ്റിയതായും സൂചനയുണ്ട്. 
നാല് മാസം മുമ്പാണ് മന്‍സൂര്‍ പുതിയ വിസയില്‍ സൗദിയിലത്തെിയത്.  നേരത്തെ  അഞ്ച് വര്‍ഷം ഇവിടെ  ജോലി ചെയ്തിരുന്നു.