ഗള്‍ഫ് മാധ്യമം ‘തബൂക്ക് പ്ളസ്’ പ്രകാശനം ചെയ്്തു

തബൂക്ക്: ‘ഗള്‍ഫ് മാധ്യമം’ പുറത്തിറക്കിയ ‘തബൂക്ക് പ്ളസ് സപ്ളിമെന്‍റ്’ പ്രകാശനം ചെയ്തു. ഇന്നലെ ഹംദാന്‍ ഹോട്ടലില്‍ തബൂക്കിലെ സാമൂഹിക സാംസ്കാരിക രംഗത്ത് പ്രവര്‍ത്തിക്കുന്നവരുടെ സാന്നിധ്യത്തില്‍ സൗദി ഇന്‍വെസ്റ്റ്മെന്‍റ് ബാങ്ക് മാനേജര്‍ മുഹമ്മദ് അല്‍ അത്വവി, സി.സി.ഡബ്ള്യു ചെയര്‍മാന്‍ സിറാജ് എറണാകുളത്തിന് കോപ്പി നല്‍കി പ്രകാശനം ചെയ്തു. ചടങ്ങില്‍ മാധ്യമം തബൂക്ക് രക്ഷാധികാരി നവാസ് കെ.എസിന്‍െറ അധ്യക്ഷത വഹിച്ചു. ‘ഗള്‍ഫ് മാധ്യമം’ ദമ്മാം ബ്ള്യൂറോ ഇന്‍ചാര്‍ജ് മുഹമ്മദ് സുഹൈബ് മുഖ്യപ്രഭാഷണം നടത്തി. കെ.എം.സി.സി ജനറല്‍ സെക്രട്ടറി സമദ് ആഞ്ഞിലങ്ങാടി, ഒ.ഐ.സി.സി പ്രസിഡന്‍റ് അബ്ദുസലാം വാണിയമ്പലം, മാസ് പ്രതിനിധി ഉണ്ണി മുണ്ടുപറമ്പ്, തനിമ പ്രതിനിധി ശറഫുദ്ദീന്‍ തിരുവനന്തപുരം എന്നിവര്‍ സംസാരിച്ചു. സപ്ളിമെന്‍റുമായി സഹകരിച്ചവര്‍ക്ക് മൊമെന്‍േറാ വിതരണം ചെയ്തു. സക്കീര്‍ കാര്യവട്ടം സ്വാഗതം ഇംതിയാസ് നന്ദിയും പറഞ്ഞു. നൗഷാദ് കൂട്ടില്‍ ഖുര്‍ആനില്‍ നിന്ന് അവതരിപ്പിച്ചു.