മക്കയില്‍ ഹോട്ടലില്‍ തീപിടിത്തം

മക്ക: വ്യാഴാഴ്ച പുലര്‍ച്ചെ മക്കയിലെ ഹോട്ടലിലുണ്ടായ തീപിടിത്തത്തെ തുടര്‍ന്ന് ഏഷ്യക്കാരായ 1028 ഹജ്ജ് തീര്‍ഥാടകരെ മാറ്റിപ്പാര്‍പ്പിച്ചു. ഏഷ്യന്‍ രാജ്യങ്ങളില്‍ നിന്നുള്ളവര്‍ താമസിക്കുന്ന അസീസിയയിലെ ഹോട്ടലില്‍ അര്‍ധരാത്രി 12.30 ഓടെയാണ് അഗ്നിബാധയുണ്ടായത്. 11 നിലകളുള്ള ഹോട്ടലിലെ എട്ടാം നിലയിലെ മുറിയിലാണ് തീപിടര്‍ന്നത്. അവിടെ നിന്ന് വമിച്ച പുക കൊണ്ട് നിറഞ്ഞ നിലകളില്‍ നിന്ന് സിവില്‍ ഡിഫന്‍സിന്‍െറ നേതൃത്വത്തില്‍ ആളുകളെ ഒഴിപ്പിക്കുകയായിരുന്നു. രണ്ടുപേര്‍ക്ക് പരിക്കേറ്റു. 

ഇവരെ ആശുപത്രിയില്‍ പ്രവേശിപ്പിച്ചു. വിവരം അറിഞ്ഞയുടന്‍ സിവില്‍ ഡിഫന്‍സിന്‍െറ ആറ് യൂണിറ്റുകള്‍ സംഭവ സ്ഥലത്ത് കുതിച്ചത്തെുകയും രക്ഷാപ്രവര്‍ത്തനം നടത്തുകയുമായിരുന്നെന്ന് വക്താവ് കേണല്‍ അബ്ദുല്ല അല്‍ഹാര്‍തി അറിയിച്ചു. ഹോട്ടലിന് പുറത്ത് താല്‍ക്കാലിക ഗോവണികള്‍ ഘടിപ്പിച്ച് ആളുകളെ മുഴുവന്‍ പുറത്തത്തെിക്കുകയായിരുന്നു. ഹജ്ജ് മന്ത്രാലയത്തിന്‍െറ സഹകരണത്തില്‍ ബദല്‍ താമസ സൗകര്യം ഒരുക്കി ഹോട്ടലില്‍ നിന്ന് ഒഴിപ്പിച്ച മുഴുവനാളുകളെയും ഉടന്‍ തന്നെ മാറ്റി പാര്‍പ്പിച്ചു. ഒഴിപ്പിച്ചവരിലും പരിക്കേറ്റവരിലും ഇന്ത്യക്കാര്‍ ഉണ്ടോയെന്ന് വ്യക്തമായിട്ടില്ല.