സൗദി ചലച്ചിത്ര  മേള; രജിസ്ട്രേഷന്‍ തുടങ്ങി

ദമ്മാം: സൗദിയുടെ മൂന്നാമത് ഹ്രസ്വ ചലച്ചിത്ര മേളയുടെ രജിസ്ട്രേഷന്‍ തുടങ്ങിയതായി ഭാരവാഹികള്‍ അറിയിച്ചു. ദമ്മാം കള്‍ച്ചറല്‍ ആന്‍റ് ആര്‍ട്സ് അസോസിയേഷന്‍ ഹാളില്‍ ജനുവരി 27നാണ് മേള നടക്കുന്നത്. ഇതിനകം 22 ചിത്രങ്ങള്‍ ലഭിച്ചതായി സംഘാടകര്‍ പറഞ്ഞു. പങ്കെടുക്കാന്‍ താല്‍പര്യമുള്ളവര്‍ക്ക് www.saudifilmfestival.org എന്ന വിലാസത്തില്‍ എന്‍ട്രികള്‍ അയക്കാം. സൗദിയുടെ ചലച്ചിത്ര മേഖലക്ക് പുത്തനുണര്‍വ് നല്‍കുക എന്നതാണ് മേളയുടെ ലക്ഷ്യം.