മദീനയില്‍ അഗ്നിബാധ: 340 ഇന്ത്യന്‍ ഹാജിമാരെ ഒഴിപ്പിച്ചു

മദീന: ഇന്ത്യയില്‍ നിന്നുള്ള ഹാജിമാര്‍ താമസിക്കുന്ന സ്ഥലത്ത് അഗ്നിബാധയുണ്ടായതിനെ തുടര്‍ന്ന് കെട്ടിടത്തിലുണ്ടായിരുന്ന 340 തീര്‍ഥാടകരെ ഒഴിപ്പിച്ചു. ഞായറാഴ്ച ഉച്ചക്ക് 12.30ന് തീപിടിത്ത വിവരം ലഭിച്ചതിനെ തുടര്‍ന്ന് സിവില്‍ ഡിഫന്‍സ് കുതിച്ചത്തെി അഞ്ചുനില കെട്ടിടത്തില്‍ നിന്ന് ആളെ ഒഴിപ്പിക്കുകയായിരുന്നുവെന്ന് വക്താവ് ഖാലിദ് അല്‍ജുഹനി അറിയിച്ചു. 

കെട്ടിടത്തിന്‍െറ ഒന്നാം നിലയിലെ മുറിയില്‍ നിന്നുണ്ടായ അഗ്നിബാധ ഉടനെ അണക്കുകയും കുടുങ്ങിപ്പോയ 340 ഹാജിമാരെയും മറ്റൊരു കേന്ദ്രത്തിലേക്ക് മാറ്റുകയും ചെയ്തു. 

സുരക്ഷ ഉറപ്പാക്കിയ ശേഷം ഇവരെ തിരിച്ചുകൊണ്ടുവന്നതായും അദ്ദേഹം പറഞ്ഞു.