മക്കയിലും ജിദ്ദയിലും പൊടിക്കാറ്റും മഴയും

മക്ക: മക്കയില്‍ ഞായറാഴ്ച വൈകീട്ട് ശക്തമായ പൊടിക്കാറ്റും മഴയും. ജിദ്ദയുടെ വിവിധ ഭാഗങ്ങളിലും പൊടിക്കാറ്റു വീശി. ചെറിയ തോതില്‍ ചാറല്‍മഴയുമുണ്ടായി. 

ഇതു മൂലം വാഹനമോടിക്കുന്നവര്‍ക്കും കാല്‍നടയാത്രക്കാര്‍ക്കും പ്രയാസമനുഭവപ്പെട്ടു. മക്കയില്‍ വൈകീട്ട് അഞ്ചിന് തുടങ്ങിയ പൊടിക്കാറ്റും മഴയും ഒരു മണിക്കൂറോളം നീണ്ടുനിന്നു. വിവിധ ദേശങ്ങളില്‍ നിന്നത്തെിയ ഹാജിമാര്‍ക്ക് കാലാവസ്ഥയിലുണ്ടായ മാറ്റം വിഷമമുണ്ടാക്കി. ഹാജിമാര്‍ക്ക് അസീസിയ്യയിലുള്ള താമസസ്ഥലത്തേക്ക് പോകാനും തിരിച്ച് വരാനും പ്രയാസം അനുഭവപ്പെട്ടു. കഴിഞ്ഞ കുറെ ദിവസങ്ങളായി ശക്തമായ ചൂടാണ് ജിദ്ദയിയും മക്കയിലും അനുഭവപ്പെട്ടിരുന്നത്. മഴ പെയ്ത ശേഷം നേരിയ കുറവ് അനുഭവപ്പെട്ടിട്ടുണ്ട്. ജിദ്ദയില്‍ പൊടിക്കാറ്റ് മൂലം മണിക്കൂറുകളോളം ഗതാഗതം തടസ്സപ്പെട്ടു.