ഗിന്നസ് റെക്കോര്‍ഡ് കാത്ത് അബഹയില്‍ കൂറ്റന്‍ ചിത്രം

അബഹ: ഗിന്നസ് ബുക്കില്‍ കയറുന്നതിനായി അബഹ ഷോപ്പിങ് ഫെസ്റ്റിവലിന്‍െറ ഭാഗമായി പടു കൂറ്റന്‍ ചിത്രം തയാറായി. ഹുസൈന്‍ ബിന്‍ മുഹ്യിദ്ദീന്‍ എന്ന കലാകാരനാണ് അധികൃതരുടെ പിന്തുണയോടെ അബഹ നഗരത്തില്‍ പെയിന്‍റിങ് തയാറാക്കിയത്. 

60 ദിവസം കൊണ്ടാണ് പ്രധാന ജങ്ഷന്‍ കാന്‍വാസാക്കി മാറ്റി റോഡില്‍ ഹുസൈന്‍ മനോഹരമായ ചിത്രമൊരുക്കിയിരിക്കുന്നത്. 4055 ചതുരശ്ര മീറ്റര്‍ വിസ്തീര്‍ണത്തിലാണ് വിവിധ വര്‍ണങ്ങളുപയോഗിച്ച് ഇത് തയാറാക്കിയിരിക്കുന്നത്. നിലവിലുള്ള റെക്കോര്‍ഡ് അനുസരിച്ച് ഒമാനിലാണ് ഏറ്റവും വലിയ പെയിന്‍റിങ് ഉള്ളത്. 4030 ചതുരശ്ര മീറ്ററാണ് ഇതിന്‍െറ വലുപ്പം.