ക്ലിയർ ബ്ലാസ്​റ്റേഴ്‌സ് കപ്പ്: ടൗൺ ടീം സ്ട്രൈക്കേഴ്‌സും ന്യൂ കാസിൽ യുണൈറ്റഡും സെമിയിൽ

ജിദ്ദ: ഹിലാൽ ശ്യാം സ്​റ്റേഡിയത്തിൽ നടക്കുന്ന ഒന്നാമത് ക്ലിയർ ബ്ലാസ്​റ്റേഴ്‌സ് കപ്പ് ഫുബാൾ ടൂർണമ​​െൻറിൽ ടൗൺ ടീം സ്ട്രൈക്കേഴ്‌സും ന്യൂ കാസിൽ യുണൈറ്റഡും സെമിയിൽ കടന്നു. ആവേശം നിറഞ്ഞ ക്ലിയർ ബ്ലാസ്​റ്റേഴ്‌സ് എഫ് സി, ന്യൂ കാസിൽ മത്സരത്തിൽ ഒന്നിനെതിരെ മൂന്നു ഗോളുകൾക്ക് ന്യൂ കാസിൽ എഫ്.സി വിജയിച്ചു. ഇതോടെ ന്യൂ കാസിൽ, എം ഐ എഫ് സി മക്കയെ പിന്തള്ളി സെമിയിൽ കടന്നു. ന്യൂ കാസിലിന് വേണ്ടി അസ്‌ലം രണ്ടു ഗോളുകളും, തൗഫീഖ് ഒരു ഗോളും നേടി. ബാസിത്തി​​​െൻറ വകയായിരുന്നു ബ്ലാസ്​റ്റേഴ്സി​​​െൻറ ആശ്വാസ ഗോൾ. മികച്ച കളിക്കാരനായി തെരഞ്ഞെടുത്ത ന്യൂ കാസിലിലെ അസ്​ലമിനുള്ള ട്രോഫി അൽറയാൻ പോളി ക്ലിനിക്‌ എം.ഡി ശുഐബ് സമ്മാനിച്ചു.
ആവേശം നിറഞ്ഞ മത്സരത്തിൽ ബാഹി ബർഗർ ടൗൺ ടീം, സോക്കർ ഫ്രീക്സ് സീനിയേഴ്​സിനെ മറുപടിയില്ലാത്ത രണ്ടു ഗോളുകൾക്ക് പരാജയപെടുത്തി സെമിയിൽ കടന്നു. ശിഹാദ്, ജാഫർ അലി എന്നിവർ ടൗൺ ടീമിനുവേണ്ടി ഗോളുകൾ നേടി. മികച്ച കളിക്കാരനായി തെരഞ്ഞെടുത്ത ടൗൺ ടീമിലെ ജാഫർ അലിക്കുള്ള ട്രോഫി നിസാം മമ്പാട് സമ്മാനിച്ചു.
മറ്റൊരു മത്സരത്തിൽ എവർഗ്രീൻ യാമ്പുവും , ബ്ലൂ സ്​റ്റാർ സീനിയേഴ്സും   ഗോൾരഹിത സമനിലയിൽ പിരിഞ്ഞു. മികച്ച കളിക്കാരനായി തെരഞ്ഞെടുത്ത എവർഗ്രീൻ എഫ്.സിയുടെ കമാലുദ്ദീനുള്ള ട്രോഫി സിഫ് പ്രസിഡൻറ്​ ബേബി നീലാമ്പ്ര സമ്മാനിച്ചു.
ജൂനിയർ വിഭാഗം മത്സരത്തിൽ ടാല​​െൻറ്​ ടീൻസ്, സ്പോർട്ടിങ് യുണൈറ്റഡ്-ബി യെ ഒന്നിനെതിരെ രണ്ടു ഗോളിന്​ പരാജയപ്പെടുത്തി. കളിയുടെ 32ാം മിനുട്ടിൽ ഇമ്രാൻ സ്പോർട്ടിങ് യുണൈറ്റഡ്-ബിക്ക് വേണ്ടി ഗോൾ നേടിയെങ്കിലും, 33ാം മിനുട്ടിലും 44ാം മിനുട്ടിലും സൽമാൻ ഉമ്മർ നേടിയ ഇരട്ട ഗോളിലൂടെ ടാല​​െൻറ്​ ടീൻസ് വിജയം കൈപ്പിടിയിലൊതുക്കി. മികച്ച കളിക്കാരനായ സൽമാൻ ഉമറിന് ഇസ്​ലാഹി സ​​െൻറർ വൈസ് പ്രസിഡൻറ്​ സലാഹ് കാരാടൻ ട്രോഫി നൽകി.