സൗ​ദി​യി​ൽ വി​മാ​ന​യാ​ത്ര​ക്കാ​രു​ടെ എ​ണ്ണ​ത്തി​ൽ 15 ശ​ത​മാ​നം വ​ർ​ധ​ന​

യാം​ബു: സൗ​ദി അ​റേ​ബ്യ​യി​ൽ വി​മാ​ന​യാ​ത്ര​ക്കാ​രു​ടെ എ​ണ്ണ​ത്തി​ലും അ​ന്താ​രാ​ഷ്​​ട്ര വി​മാ​ന സ​ർ​വി​സു​ക​ളി​ലും റെ​ക്കോ​ഡ് വ​ള​ർ​ച്ച കൈ​വ​രി​ച്ച​താ​യി ജ​ന​റ​ൽ അ​തോ​റി​റ്റി ഓ​ഫ് സി​വി​ൽ ഏ​വി​യേ​ഷ​ൻ (ഗാ​ക) സ്ഥി​രീ​ക​രി​ച്ചു. 2024 ൽ ​സൗ​ദി​യി​ലെ വി​വി​ധ വി​മാ​ന​ത്താ​വ​ള​ങ്ങ​ളി​ലെ മൊ​ത്തം യാ​ത്ര​ക്കാ​രു​ടെ എ​ണ്ണം 12.8 കോ​ടി​യി​ല​ധി​ക​മാ​യെ​ന്ന്​ അ​ധി​കൃ​ത​ർ വെ​ളി​പ്പെ​ടു​ത്തി. മു​ൻ വ​ർ​ഷ​ത്തെ അ​പേ​ക്ഷി​ച്ച് ഈ ​ക​ണ​ക്ക് 15 ശ​ത​മാ​നം വ​ർ​ധ​ന​ കാ​ണി​ക്കു​ന്നു.

2023നെ ​അ​പേ​ക്ഷി​ച്ച് ക​ഴി​ഞ്ഞ വ​ർ​ഷം രാ​ജ്യ​ത്തി​​ന്‍റെ വി​മാ​ന​ത്താ​വ​ള​ങ്ങ​ളി​ലെ യാ​ത്ര​ക്കാ​രു​ടെ​യും വി​മാ​ന ച​ര​ക്ക് ഗ​താ​ഗ​ത​ത്തി​​ന്‍റെ​യും കാ​ര്യ​ത്തി​ൽ ശ്ര​ദ്ധേ​യ​മാ​യ വ​ർ​ധ​ന​വ് ഉ​ണ്ടാ​യി​ട്ടു​ണ്ട്. ക​ഴി​ഞ്ഞ ദി​വ​സം അ​തോ​റി​റ്റി പു​റ​ത്തി​റ​ക്കി​യ ‘എ​യ​ർ ട്രാ​ൻ​സ്പോ​ർ​ട്ട് സ്​​റ്റാ​റ്റി​സ്​​റ്റി​ക്സ് പ​ബ്ലി​ക്കേ​ഷ​ൻ 2024’ റി​പ്പോ​ർ​ട്ടി​ലാ​ണ് സ്ഥി​തി​വി​വ​ര​ക്ക​ണ​ക്കു​ക​ൾ ചൂ​ണ്ടി​ക്കാ​ണി​ച്ച​ത്. അ​ന്താ​രാ​ഷ്​​ട്ര വി​മാ​ന യാ​ത്ര​ക്കാ​രു​ടെ എ​ണ്ണം 6.9 കോ​ടി ക​വി​ഞ്ഞു. ഇ​ത് 2023നെ ​അ​പേ​ക്ഷി​ച്ച് 14 ശ​ത​മാ​നം വ​ർ​ധ​ന​യാ​ണ്.

ആ​ഭ്യ​ന്ത​ര വി​മാ​ന​യാ​ത്ര​ക്കാ​ർ 5.9 കോ​ടി ക​വി​ഞ്ഞു. അ​തേ വ​ർ​ഷ​ത്തേ​ക്കാ​ൾ 16 ശ​ത​മാ​നം വ​ർ​ധ​ന​യാ​ണ് ഇ​ത് രേ​ഖ​പ്പെ​ടു​ത്തു​ന്ന​ത്. യാ​ത്ര​ക്കാ​രു​ടെ എ​ണ്ണ​ത്തി​ൽ ജി​ദ്ദ​യി​ലെ കി​ങ്​ അ​ബ്​​ദു​ൽ അ​സീ​സ് അ​ന്താ​രാ​ഷ്​​ട്ര വി​മാ​ന​ത്താ​വ​ളം ഒ​ന്നാം സ്ഥാ​ന​ത്താ​ണ്. ഏ​ക​ദേ​ശം 4.9 കോ​ടി യാ​ത്ര​ക്കാ​രെ കൈ​കാ​ര്യം ചെ​യ്തു. 14 ശ​ത​മാ​നം വ​ള​ർ​ച്ച​യോ​ടെ ഏ​ക​ദേ​ശം 4.9 കോ​ടി യാ​ത്ര​ക്കാ​രെ സ്വീ​ക​രി​ച്ചു. തൊ​ട്ടു​പി​ന്നി​ൽ റി​യാ​ദി​ലെ കി​ങ്​ ഖാ​ലി​ദ് അ​ന്താ​രാ​ഷ്​​ട്ര വി​മാ​ന​ത്താ​വ​ളം 18 ശ​ത​മാ​നം വ​ർ​ധ​ന​വോ​ടെ 3.76 കോ​ടി യാ​ത്ര​ക്കാ​രെ കൈ​കാ​ര്യം ചെ​യ്തു. ദ​മ്മാ​മി​ലെ കി​ങ്​ ഫ​ഹ​ദ് അ​ന്താ​രാ​ഷ്​​ട്ര വി​മാ​ന​ത്താ​വ​ളം മൂ​ന്നാം സ്ഥാ​ന​ത്താ​ണ്. 15 ശ​ത​മാ​നം വ​ർ​ദ്ധ​ന​യൊ​ടെ 1.28 കോ​ടി യാ​ത്ര​ക്കാ​ർ​ക്ക് സേ​വ​നം ന​ൽ​കി. രാ​ജ്യ​ത്തി​​ന്‍റെ വി​മാ​ന​ക്ക​മ്പ​നി​ക്ക്​ കീ​ഴി​ലെ ആ​കെ വി​മാ​ന​ങ്ങ​ളു​ടെ എ​ണ്ണം 361 ആ​യി. 2023നെ ​അ​പേ​ക്ഷി​ച്ച് 11 ശ​ത​മാ​നം വ​ർ​ധ​ന​യാണി​ത്.

വ്യോ​മ​ഗ​താ​ഗ​ത വ്യ​വ​സാ​യം വി​ക​സി​പ്പി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി വാ​ണി​ജ്യ, പൊ​തു വ്യോ​മ​യാ​ന മേ​ഖ​ല​ക​ളി​ലു​ട​നീ​ള​മു​ള്ള യാ​ത്ര​ക്കാ​രു​ടെ ച​ല​നം, വി​മാ​ന​ങ്ങ​ൾ, ച​ര​ക്ക് പ്ര​വ​ർ​ത്ത​ന​ങ്ങ​ൾ എ​ന്നി​വ​യു​ൾ​പ്പെ​ടെ രാ​ജ്യ​ത്തി​െൻറ വ്യോ​മ​ഗ​താ​ഗ​ത സം​വി​ധാ​ന​ത്തെ​ക്കു​റി​ച്ചു​ള്ള കൃ​ത്യ​മാ​യ ഡേ​റ്റ​യും സൂ​ച​ക​ങ്ങ​ളും ജ​ന​റ​ൽ അ​തോ​റി​റ്റി ഓ​ഫ് സി​വി​ൽ ഏ​വി​യേ​ഷ​ൻ എ​ല്ലാ വ​ർ​ഷ​വും പു​റ​ത്തി​റ​ക്കു​ന്ന​താ​യി ബ​ന്ധ​പ്പെ​ട്ട​വ​ർ അ​റി​യി​ച്ചു.