ഗ​സ്സ​ക്ക്​ സൗ​ദി അ​റേ​ബ്യ​യു​ടെ 1.5 കോ​ടി ഡോ​ള​ർ സ​ഹാ​യം

ജി​ദ്ദ: ഗ​സ്സ​​ക്ക്​ സ​ഹാ​യ​മാ​യി സൗ​ദി അ​റേ​ബ്യ 1.5 കോ​ടി ഡോ​ള​ർ ന​ൽ​കി. ഐ​ക്യ​രാ​ഷ്​​ട്ര സ​ഭ​യു​ടെ ഫ​ല​സ്​​തീ​ൻ അ​ഭ​യാ​ർ​ഥി​ക​ൾ​ക്കാ​യി പ്ര​വ​ർ​ത്തി​ക്കു​ന്ന യു.​എ​ൻ.​ആ​ർ.​ഡ​ബ്ല്യു.​എ മു​ഖേ​ന ആ​ദ്യ​ഘ​ട്ട​ സ​ഹാ​യ​മാ​യി ഈ ​തു​ക കൈ​മാ​റി​യ​ത്. കി​ങ്​ സ​ൽ​മാ​ൻ റി​ലീ​ഫ് സെൻറ​റാ​ണ്​ പ​ണം എ​ത്തി​ച്ച​ത്. ഭ​ക്ഷ്യ​സു​ര​ക്ഷ, പാ​ർ​പ്പി​ടം, ഭ​ക്ഷ്യേ​ത​ര വ​സ്തു​ക്ക​ൾ, അ​ടി​യ​ന്ത​ര ആ​രോ​ഗ്യം, ജ​ലം, പ​രി​സ്ഥി​തി ശു​ചി​ത്വം എ​ന്നീ മേ​ഖ​ല​ക​ളി​ൽ ഗ​സ്സ​യി​ലെ ജ​ന​ങ്ങ​ൾ​ക്കു​ള്ള അ​ടി​യ​ന്ത​ര മാ​നു​ഷി​ക സ​ഹാ​യ​മെ​ന്ന നി​ല​യി​ലാ​ണി​ത്. ഗ​സ്സ മു​ന​മ്പി​ൽ ദു​രി​ത​മ​നു​ഭ​വി​ക്കു​ന്ന​വ​ർ​ക്കാ​യി ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ ന​ട​ത്താ​ൻ ക​ഴി​യു​ന്ന ഏ​ക അ​ന്താ​രാ​ഷ്​​ട്ര സം​ഘ​ട​ന​യാ​ണ് യു.​എ​ൻ.​ആ​ർ.​ഡ​ബ്ല്യു.​എ.

അ​തേ​സ​മ​യം, ഗ​സ്സ​യി​ലെ ദു​രി​ത​മ​നു​ഭ​വി​ക്കു​ന്ന​വ​ർ​ക്ക്​ അ​ടി​യ​ന്ത​ര സ​ഹാ​യ​മാ​യി പാ​ർ​പ്പി​ട, ഭ​ക്ഷ​ണ വ​സ്​​തു​ക്ക​ൾ എ​ത്തി​ക്കു​ന്ന​തി​നു​ള്ള ശ്ര​മ​ങ്ങ​ൾ കി​ങ്​ സ​ൽ​മാ​ൻ റി​ലീ​ഫ്​ കേ​ന്ദ്ര​ത്തി​ന്​ കീ​ഴി​ൽ തു​ട​രു​ക​യാ​ണ്. 175 ട​ൺ​ ഭ​ക്ഷ്യ, പാ​ർ​പ്പി​ട വ​സ്​​തു​ക്ക​ളാ​ണ്​ ഇ​തി​ന​കം ഗ​സ്സ​യി​ലെ ജ​ന​ങ്ങ​ൾ​ക്കാ​യി വ്യോ​മ​മാ​ർ​ഗം അ​യ​ച്ച​ത്.