Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightSaudi Arabiachevron_rightവൈറലായി ​സ്രാവിനൊപ്പം...

വൈറലായി ​സ്രാവിനൊപ്പം സൗദി യുവാവി​െൻറ സാഹസിക നീന്തൽ

text_fields
bookmark_border
വൈറലായി ​സ്രാവിനൊപ്പം സൗദി യുവാവി​െൻറ സാഹസിക നീന്തൽ
cancel
camera_alt

യാംബു കടലിൽ സൗദി യുവാവ് തിമിംഗല സ്രാവി​ൻെറ പുറത്തേറി സാഹസിക നീന്തൽ അഭ്യാസ പ്രകടനം നടത്തിയപ്പോൾ

യാംബു: സ്രാവി​ൻെറ പുറത്തുകയറി സൗദി യുവാവ്​ കടലിൽ നടത്തിയ സാഹസിക നീന്തൽ അഭ്യാസ പ്രകടനം വിസ്മയമായി. യാംബുവിലെ ചെങ്കടൽ ഭാഗത്താണ് അബൂ വദീഹ് എന്ന യുവാവ് സുഹൃത്തുക്കളോടൊപ്പം ബോട്ടിൽ സഞ്ചാരം നടത്തുന്നതിനിടയിൽ ബോട്ടിനടുത്ത് നീന്തുകയായിരുന്ന സ്രാവി​ൻെറ പുറത്തേക്ക് എടുത്തുചാടി അഭ്യാസപ്രകടനം നടത്തിയത്. ബോട്ടിൽ നിന്നുകൊണ്ട് സുഹൃത്തുക്കൾ പകർത്തിയ വിഡിയോ ദൃശ്യം ട്വിറ്ററിൽ പോസ്​റ്റ്​ ചെയ്​തതോടെയാണ് സമൂഹ മാധ്യമങ്ങൾ ഏറ്റെടുത്ത് വൈറലാക്കിയത്. യുവാവ് സ്രാവി​ൻെറ പുറത്തേറി പോകുന്നതും യുവാവിനെ ബോട്ട് പിന്തുടരുന്നതും സാഹസികതയെ അഭിനന്ദിച്ചുകൊണ്ടുള്ള ആർപ്പുവിളികളും അടങ്ങുന്ന വിഡിയോ ദൃശ്യങ്ങൾ ഇതിനകം അറബ് മാധ്യമങ്ങളിൽ വലിയ വാർത്തയുമായി. ചെങ്കടലിൽ അപൂർവമായി കാണപ്പെടുന്ന സ്രാവ്​ 'തിമിംഗല സ്രാവ്' എന്ന പേരിലാണ്​ അറിയപ്പെടുന്നത്​. വംശഭീഷണി നേരിടുന്ന വർഗമാണിത്​.

19 മീറ്റർ വരെ ഈ ഭീമന്‌ നീളമുണ്ടാവും. ലോകത്താകെ പതിനായിരത്തോളം എണ്ണം മാത്രമേ ഉള്ളൂവെന്നാണ്​ ജന്തുശാസ്​ത്ര രംഗത്തുള്ളവർ പറയുന്നത്​. സാവധാനത്തിൽ നീന്തുന്ന ഇവ ചില സമുദ്രപ്രദേശങ്ങളിൽ പ്രത്യക്ഷപ്പെടുമ്പോൾ വിനോദസഞ്ചാരികളെ അവയുടെ വർണാഭമായ കാഴ്ചയും വലുപ്പവും ഏറെ ആകർഷിക്കുന്നു. ചാര, നീല നിറങ്ങളിലും പച്ച കലർന്ന തവിട്ടു നിറത്തിലും കാണപ്പെടുന്ന ഇൗ ജീവികളുടെ ശരീരത്തിൽ നേർത്ത മഞ്ഞയോ വെള്ളയോ പുള്ളികളുണ്ട്​. ചെറിയ വായും വലുപ്പമേറിയ മേൽചുണ്ടുമാണ് ഇവയുടെ പ്രത്യേകത. തടിച്ചുപരന്ന രൂപത്തിലാണ് തിമിംഗല സ്രാവി​ൻെറ തല. ആഴക്കടലിലും പവിഴപ്പുറ്റുകൾക്കിടയിലും ഇവയെ കാണുന്നു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:#adventure#swimming#saudinew
Next Story