Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightറേഡിയോ ജോക്കി വധം:...

റേഡിയോ ജോക്കി വധം: ബന്ധമില്ലെന്ന്​ സത്താർ; സംശയമില്ലെന്ന്​ ഖത്തറിലെ യുവതിയും

text_fields
bookmark_border
റേഡിയോ ജോക്കി വധം: ബന്ധമില്ലെന്ന്​ സത്താർ; സംശയമില്ലെന്ന്​ ഖത്തറിലെ യുവതിയും
cancel

ദോഹ: തിരുവനന്തപുരം കിളിമാനൂർ മടവൂരിൽ മുൻറേഡിയോ ജോക്കിയെ ​െവട്ടിക്കൊന്ന സംഭവത്തിൽ തനിക്ക്​ ബന്ധമില്ലെന്ന്​ ആരോപണവിധേയനായ ഖത്തറിലെ വ്യവസായിയായ സത്താർ. സത്താറിനോ, പൊലീസ്​ സംശയിക്കുന്ന ​സാലിഹ്​ ബിൻ ജലാലിനോ കൊലയിൽ പങ്കുണ്ടെന്ന്​ താൻ വിശ്വസിക്കുന്നില്ലെന്ന്​ സത്താറി​​​​െൻറ മുൻഭാര്യയും ഖത്തറിലെ നൃത്താധ്യാപികയുമായ യുവതിയും. കൊല്ലപ്പെട്ട രാജേഷുമായി അടുപ്പമുണ്ടായിരുന്ന യുവതിയാണ്​ ഇവർ. ദോഹയിലെ ഒരു ​വെബ്​പോർട്ടലിലാണ്​ ഇരുവരുടെയും വെളിപ്പെടുത്തൽ​. മുമ്പ്​ ഖത്തറിൽ റേഡി​േയാ ജോക്കിയായിരുന്നു രാജേഷ്​. ഖത്തറിലെ ഇന്ത്യൻ കൾച്ചറൽ സ​​​െൻററിൽ നൃത്താധ്യാപികയായ യുവതിക്ക്​ രാജേഷുമായി അടുപ്പമുണ്ടായിരുന്നു. യുവതിയുടെ മുൻഭർത്താവാണ്​ ഒാച്ചിറ തെക്ക്​ കൊച്ചുമുറി നായമ്പരത്ത്​ കിഴക്കതിൽ അബ്​ദുൽ സത്താർ. രാജേഷുമായുള്ള ഭാര്യയുടെ ബന്ധ​ം അറിഞ്ഞതിനെ തുടർന്ന്​ മൂന്നുമാസങ്ങൾക്ക്​ മുമ്പ്​ വിവാഹബന്ധം മുന്നുമാസം മുമ്പ്​ വേർപ്പെടുത്തിയതാണെന്ന്​ സത്താർ പറയുന്നു​. എന്നാൽ മുൻഭർത്താവ്​ എന്ന നിലയിൽ കൊലപാതകത്തിൽ പൊലീസ്​ തന്നെ സംശയിക്കുന്നത്​ സ്വാഭാവികമാണ്​.

എന്നാൽ കുറ്റം ചെയ്യാത്തതിനാൽ പേടിയില്ല. കൊലപാതകത്തിന്​ പിന്നിൽ പ്രവർത്തിച്ചുവെന്ന്​ പൊലീസ്​ പറയുന്ന അലി ഭായ്​ എന്ന്​ വിളിക്കുന്ന സാലിഹ്​ ബിൻ ജലാൽ ത​​​​െൻറ ജിംനേഷ്യത്തിൽ പരിശീലകനായിരുന്നു. ഇയാൾ ഇപ്പോഴും ഖത്തറിലുണ്ട്​. കൊല്ലാൻ ക്വ​േട്ടഷൻ നൽകേണ്ട കാര്യം തനിക്കില്ല. ബന്ധം വേർപ്പെടുത്തിയതിന്​ ശേഷം പിന്നീട്​ മുൻഭാര്യയുടെ കാര്യം നോക്കാൻ പോയിട്ടില്ല. രണ്ട്​ കുട്ടികൾ തന്നോടൊപ്പമാണ്​ കഴിയുന്നത്​. പൊലീസ്​ സംശയിക്കുന്ന മറ്റൊരാളായ അപ്പുണ്ണിയെ തനിക്കറിയില്ല. ജിംനേഷ്യം അടക്കമുള്ള ബിസിനസ്​ നടത്തിയത്​ വഴി ഒന്നരക്കോടിയോളം രൂപയുടെ കടബാധ്യത നാട്ടിലുണ്ട്​​. സ്വത്തുകൾ വിറ്റാണ്​ ബാധ്യത തീർത്തത്​. നാല്​ ലക്ഷം റിയാൽ ഖത്തറിൽ തന്നെ ബാധ്യതയുണ്ട്​. ഇതിനാൽ തനിക്ക്​ യാത്രാവിലക്കുമുണ്ട്​. ഖത്തറിൽ വെച്ച്​ നടന്ന കല്ല്യാണം നിയമപരമായി തന്നെ വേർപ്പെടുത്തിയതാണ്​. മുൻഭാര്യയും താനും പാർട്​ണർ ആയാണ്​ 2010ൽ സ്​ഥാപനങ്ങൾ തുടങ്ങിയത്.​ ഇതിനാൽ മുൻഭാര്യക്കും ഖത്തർ വിടാൻ നിയമപരമായി കഴിയില്ലെന്നും സത്താർ പറഞ്ഞു. 

അതേ സമയം, സത്താർ രാജേഷിനെ കൊലപ്പെടുത്താൻ ക്വ​േട്ടഷൻ നൽകിയെന്നോ സാലിഹാണ്​ പിന്നിലെന്നോ​ താൻ വിശ്വസിക്കുന്നില്ലെന്ന്​ യുവതിയും വെളിപ്പെടുത്തി. സാലിഹിനെ താൻ പരിചയപ്പെടുന്നത്​ ഒരു വർഷം മുമ്പാണ്​. നല്ല സ്വഭാവമുള്ളയാളാണ്​. കേരളപൊലീസ്​ തന്നെ വിളിച്ച്​ കാര്യങ്ങൾ ചോദിക്കാറുണ്ട്​. സാലിഹ്​ ഇപ്പോഴും ഖത്തറിൽ ഉള്ള കാര്യം തനിക്കറിയാം. രാജേഷ്​ കൊല്ലപ്പെടുന്ന ദിവസവും സാലിഹ്​ ഇവിടെ ഉണ്ട്​ എന്നാണ്​​ അറിയാൻ കഴിഞ്ഞത്​. 

എന്തായാലും പൊലീസ്​ കാര്യങ്ങൾ അന്വേഷിക്ക​െട്ട. പൊലീസ്​ സംശയിക്കുന്ന കോഴിക്കോട്​ സ്വദേശിയായ മ​െറ്റാരു ബിസിനസുകാരനും രാജേഷും തമ്മിൽ നിരന്തരം ഫോണിൽ ബന്ധപ്പെട്ടിരുന്നുഇെക്കാര്യവും പൊലീസ്​ അന്വേഷിക്ക​െട്ടയെന്നും യുവതി പറഞ്ഞു. രാജേഷ്​ കൊല്ലപ്പെടു​േമ്പാൾ തങ്ങൾ മൊബൈൽ ഫോണിൽ സംസാരത്തിലായിരുന്നു. നല്ല രൂപത്തിലുള്ള ബന്ധമായിരുന്നു ഞങ്ങൾ തമ്മിൽ. കൊല്ലപ്പെടുന്ന നിലവിളി താൻ ഫോണിൽ കേട്ടിട്ടുണ്ട്​. ഇൗ വിവരം ഉടൻ തന്നെ രാജേഷി​​​​െൻറ പിതാവിനെയും രാജേഷി​​​​െൻറ മറ്റൊരു സുഹൃത്തി​െനയുമാണ്​ അറിയിച്ചത്​. രാജേഷി​​​​െൻറ അമ്മ, കുടുംബക്കാർ തുടങ്ങിയവരെയൊക്കെ തനിക്ക്​ അറിയാമെന്നും യുവതി പറഞ്ഞു.

Show Full Article
TAGS:radio jockey murder qatar gulf news 
Web Title - radio jockey murder-qatar-gulf news
Next Story