ഫാൽക്കൻ ക്യാമ്പിൽ പുതുതലമുറ

ദോഹ: പാരമ്പര്യം കാത്തുസൂക്ഷിക്കുന്നതിൽ അത്രമേൽ ശ്രദ്ധപുലർത്തുന്നവരാണ്​ ഖത്തരികൾ. അത്​ മുത്തുവാരൽ ആയാലും പായ്​ക്കപ്പൽ ഒാട്ടമായാലും ശരി. ഫാൽക്കൻ വേട്ട എന്നത്​ ഖത്തരികളു​െട ജീവിതവുമായി അഭേദ്യമായ ബന്ധമുള്ള കാര്യവുമാണ്​. ഇതിനാൽ ഫാൽക്കനുമായി ബന്ധ​െപ്പട്ട നിരവധി മേളകളാണ്​ രാജ്യത്ത്​ മുറതെറ്റാ​െത നടക്കുന്നത്​. ഏത്​ രാജ്യത്തായാലും പാരമ്പര്യം സൂക്ഷിക്കുകയെന്നത്​ പഴയതലമുറയുടെ ചുമതലയാണെന്നാണ്​ വെപ്പ്​. എന്നാൽ ഇവിടെ കാര്യങ്ങൾ വ്യത്യസ്​തമാണ്​. അതിനുള്ള ഏറ്റവും വലിയ തെളിവാണ്​ കഴിഞ്ഞ ദിവസം നടന്ന പുതുതലമുറ ഫാൽക്കൻകാരുടെ ക്യാമ്പിലെ പങ്കാളിത്തം. ഖത്തർ അൽഗന്നാസ്​ സൊസൈറ്റി നടത്തിയ ക്യാമ്പി​​​െൻറ രണ്ടാം ദിവസം 11നും 14നും ഇടയിൽ പ്രായമുള്ള 36 ഫാൽക്കൺ ഉടമകളാണ്​ പ​െങ്കടുത്തത്​. ഉംസൈദിലെ സീലൈൻ സബ്​ഖത്ത്​ മർമിയിൽ നടക്കുന്ന ക്യാമ്പ്​ നാളെ സമാപിക്കും.